Binəqədi rayonunda 111 yaşlı Maral Məhərrəmova

seçki məntəqəsinə gələrək səs verdi

Bakının 8 saylı Binəqədi I seçki dairəsinin 6 saylı məntəqəsində rayonun ən qocaman sakini Maral Məhərrəmova səs vermişdir.

Maral nənənin 111 yaşı var.

Səsvermə bülletenini alıb doldurandan sonra qutuya atan Maral Məhərrəmova AzərTAc-a müsahibə vermişdir.

Ağbirçək bildirmişdir ki, mən istədiyim namizədə səs verdim: Məntəqədə çox yaxşı şərait yaradılıb. Mənim 111 yaşım var və indiyədək çox seçkilərdə iştirak etmişəm. Bugünkü seçkilərdəki fəallıq məni çox sevindirdi. Qoca da, cavan da seçkilərdə fəal iştirak edir, sərbəst şəkildə səslərini verirlər".

Ömrünün bu yaşında seçkidə iştirak etmək hər adama qismət olmur. Buna görə özümü xoşbəxt hiss edirəm. Hamıya məsləhət görürəm ki, mənim kimi məntəqələrə gəlib səs versinlər.

Azərbaycan.-2013.- 10 oktyabr.- S.13.