Prezidentin mətbuat xidmətinin məlumatı

Oktyabrın 10-da Rusiya Federasiyasının Prezidenti Vladimir Putin Azərbaycan Respublikasının Prezidenti İlham Əliyevə telefonla zəng etmişdir.

Rusiya Federasiyasının Prezidenti dövlət başçısını prezident seçkilərində qazandığı inamlı qələbə münasibətilə təbrik etmiş, xalqımızın rifahı naminə prezidentlik fəaliyyətində ona uğurlar arzulamışdır.

Prezident İlham Əliyev göstərilən diqqətə və təbrikə görə Rusiya Federasiyasının Prezidentinə minnətdarlığını bildirmişdir.

Dövlət başçıları ölkələrimiz arasında mövcud olan dostluq münasibətlərinin bütün sahələrdə dinamik inkişafından məmnun olduqlarını bildirmiş, əlaqələrimizin gələcək illərdə daim möhkəmlənəcəyinə əminliklərini ifadə etmişlər.

Azərbaycan.-2013.- 11 oktyabr.- S. 1.