Abidəni qorumaq tarixi qorumaqdır

Qədim Şəki son illər inkişafının yeni mərhələsini yaşayır. Hər yerdə tikinti-quruculuq geniş vüsət alıb. Fərəhli haldır ki, görülən işlərdə Şəkinin qədimliyi, sənətkarlıq elementləri, milli memarlıq xüsusiyyətləri böyük zövqlə qorunur. Bu baxımdan tarixi abidələrin yaşadılması da böyük əhəmiyyətə malikdir. Şəkidə ümumilikdə 84 dünya və yerli əhəmiyyətli memarlıq abidəsi vardır.

Neçə illərdi ki, Şəki xanlarının evi kimi tarixi abidə baxımsız və yararsız hala düşmüşdü. 2006-cı ildə dövlət başçısının Şəkiyə səfərindən sonra müvafiq tədbirlər görüldü və bu tarixi abidənin də əsaslı təmirinə və yenidən qurulmasına başlanıldı. Nəhayət, 2013-cü il avqustun 14-də XVIII əsrin sanballı tikililərindən sayılan Şəki xanlarının evi yenidənqurmadan sonra istifadəyə verildi. Bununla da şəhərimizə yaraşıq verən abidələrin biri də artdı. Qayğıya görə dövlət rəhbərliyinə minnətdarıq. Ancaq biz insanlar da gərək yaradılanları qorumağı bacaraq. Abidələrimizi qorumaq elə tariximizi qorumaqdır.

Sadiq YUSİFOV,

Şəki şəhəri

Azərbaycan. - 2013.- 1 sentyabr.- S. 6.