Ailə, Qadın və Uşaq Problemləri üzrə Dövlət Komitəsinin sədri Mingəçevirdə vətəndaşları qəbul edəcəkdir

Prezident İlham Əliyevin tapşırığına əsasən, mərkəzi icra hakimiyyəti orqanlarının rəhbərləri bölgələrdə vətəndaşların qəbulunu keçirir, onların müxtəlif problemlərinin həllinə kömək edirlər.

Dövlət başçısının müvafiq göstəriş və tövsiyələrinə uyğun olaraq Ailə, Qadın və Uşaq Problemləri üzrə Dövlət Komitəsinin (AQUPDK) sədri Hicran Hüseynova sentyabrın 4-də saat 11:00-da Mingəçevir şəhərindəki Heydər Əliyev Mərkəzində vətəndaşların növbəti qəbulunu keçirəcəkdir.

AQUPDK-nın mətbuat xidmətindən AzərTAc-a bildirmişlər ki, komitə sədrinin qəbulunda Mingəçevir, Yevlax, Ağdaş, Ucar, Kürdəmir, İmişli, Beyləqan, Zərdab rayonlarından olan vətəndaşlar iştirak edəcəklər.

Zərdab rayonundan qəbulda iştirak etmək istəyən vətəndaşlar qabaqcadan AQUPDK-nın Zərdabdakı Ailə və Uşaqlara Dəstək Mərkəzinə müraciət edə bilərlər. Xatırladırıq ki, Ailə, Qadın və Uşaq Problemləri üzrə Dövlət Komitəsinin sədri Hicran Hüseynova tərəfindən vətəndaşların Mingəçevir şəhərində sentyabrın 6-na nəzərdə tutulmuş qəbulu sentyabrın 4-nə keçirilmişdir.

Azərbaycan. - 2013.- 3 sentyabr.- S. 4.