Azərbaycan naminə
birlik
Elnur
ASLANOV: "Gənclər XXI əsrdə Azərbaycanı yeni
uğurlara aparacaq, müstəqilliyimizi daha da gücləndirəcək
qüvvədir"
Avqustun 31-dən
sentyabrın 1-dək Xaricdə Təhsil Alan və Məzun
Olmuş Gənclərin Beynəlxalq Forumunun (ASAİF)
"Bizim forum, bizim seçim, bizim Azərbaycan" devizi
altında XI Bakı Yay Forumu keçirildi. Hökumət
rəsmilərinin, dövlət qurumlarının rəhbərlərinin
və Milli Məclisin deputatlarının iştirak etdiyi bu tədbirdə
dünyanın 45 ölkəsində təhsil alan və məzun
olan 600-dən çox azərbaycanlı gənc
toplaşmışdı.
Avqustun
30-da keçirilən ilk iclasda gənclər
qarşısında çıxış edən Azərbaycan
Respublikası Prezidenti Administrasiyasının Siyasi təhlil və
informasiya təminatı şöbəsinin müdiri Elnur
Aslanov bildirdi ki, müxtəlif ölkələrdə təhsil
alan gənclərin forumda iştirakı respublikamızın
iqtisadi inkişafının,
gücünün əyani sübutudur. Gündən-günə
çiçəklənən respublikamızın
bugünkü iqtisadi inkişafı azərbaycanlı gənclərin
xaricdə təhsil almalarına geniş imkanlar yaradır.
Prezident Administrasiyasının rəsmisi azərbaycanlı gənclərin
xaricdə təhsil almalarından danışdı və
onların simasında Azərbaycanın intellektual
potensialının dünyaya tanıdılması istiqamətində
böyük nailiyyətlərin əldə olunduğunu
bildirdi. Gənclərin bütün sahələrdə
uğurlar qazandığını vurğulayan Elnur Aslanov diqqətə
çatdırdı ki, vəzifəsindən, sosial
mövqeyindən və yaşadığı yerdən
asılı olmayaraq bütün gənclər Azərbaycanın
ağrılı problemi olan Dağlıq Qarabağ
münaqişəsi ilə bağlı həqiqətləri
dünyaya çatdırmalı, ölkəmizi layiqincə təmsil
və təbliğ etməlidirlər.
Azərbaycan
Ağsaqqallar Şurasının sədri, Milli Məclisin
deputatı Fəttah Heydərov isə bildirdi ki, Azərbaycanın
20 illik müstəqilliyi dövründə keçdiyi
möhtəşəm inkişaf yolunda qazanılan uğurlarda
cəmiyyətin aparıcı qüvvəsi olan gənclərin
böyük rolu var.
Təhsil naziri Mikayıl Cabbarov Azərbaycanda təhsilə,
gənclərə göstərilən qayğı və bu
sahədə ASAİF-in gördüyü işlərdən
danışdı. Hazırda 10 mindən artıq azərbaycanlı
gəncin dünyanın müxtəlif ölkələrində
təhsil aldığını və onların
sayının ildən-ilə artdığını söylədi.
Dövlət Neft Fondunun icraçı direktoru Şahmar Mövsümov gəncləri
maraqlandıran sualları cavablandırdı.
Forumda "Gənclik,
lobbiçilik, xaricdə təmsilçilik və
Qarabağ", "Azərbaycanın tolerantlıq mərkəzi
kimi dünyada təbliği", "Azərbaycanda gənclər
üçün yeni imkanlar" mövzularında panel
iclasları keçirildi. Dövət rəsmiləri, komitə
sədrləri bu mövzularla bağlı
çıxışlar edərək gənclərin təkliflərini
dinlədilər.
Çox
maraqlı diskussiyalar fonunda keçirilən ASAİF-in XI Yay
Forumunun iki günlük rəsmi hissəsi avqustun 31-də
uğurla başa çatdı. Sentyabrın 1-də isə gənclər
Qəbələ rayonuna səfər etdilər.
Həm xaricdə
təhsil alan azərbaycanlı gənclər, həm də
qonaqlar Bakı forumunun təşkilati işlərini və
aparılan müzakirələri yüksək qiymətləndirdilər.
Qəzetimizə açıqlama verən gənclər
ASAİF-in bu maraqlı və gərəkli
missiyasının
uğurlarından söz açdılar.
ASAİF-də
dövlətçilik və milli ruhla silahlanmış gənclər
toplaşıb
Ceyhun OSMANLI,
Milli Məclisin deputatı, ASAİF-in həmtəsisçisi:
- ASAİF
böyük təcrübə üzərində qurulan təşkilatdır.
Bu qurumun maraqlı cəhəti ondan ibarətdir
ki, bəzi təşkilatlar əvvəlcə yaranıb sonra təcrübə
yığdığı halda, ASAİF artıq təcrübə
toplamış gənclər tərəfindən
qurulmuşdur. Bu qurumun əsası xarici
ölkələrdə təhsil almış və Azərbaycanın
ictimai-siyasi həyatında uğur qazanmış insanlar tərəfindən
qoyulmuşdur. ASAİF yaranana qədər,
yəni, rəsmən təsis olunanadək 10 ilə yaxın
yay forumu keçirirdi.
Maraqlıdır ki, əvvəllər
foruma 7 ölkədə iştirak edən gənclərimiz
qatılırdı. İndi isə 45-dən
artıq ölkədə təhsil alan
600-dən çox Azərbaycan gənci XI Yay Forumunda
iştirak etdi. Bu forumlar ildə bir neçə dəfə
keçirilir və hər il də
toplantılarda fərqli kontingent iştirak edir. Forumlarda
Azərbaycanda gedən müxtəlif inkişaf istiqamətləri
müzakirə olunur. Bu da onun göstəricisidir
ki, dövlətimiz hər zaman inkişafdadır və hər
dəfə yeni mövzular müzakirələrə
çıxarılır. Azərbaycanda gənclər
üçün hər il yeni imkanlar
yaranır. Keçən forumda ölkəmizdə
informasiya texnologiyaları fondu yaranmamışdı. Bu forumda informasiya texnologiyaları fondunun və gənclər
fondunun tələbələr üçün təklif etdiyi
yeni imkanlardan danışıldı. Gənclər bu
forumda Təhsil Nazirliyinin, Gənclər və İdman
Nazirliyinin yeni proqramlarından, Xarici İşlər
Nazirliyinin Ermənistan-Azərbaycan, Dağlıq Qarabağ
münaqişəsi ilə bağlı apardığı
danışıqlardan, ölkəmizdəki tolerantlıqdan və
digər sahələrdə olan yeniliklərdən xəbərdar
olurlar.
Müasir Azərbaycanı yaradaraq gənclərə
həvalə edən ulu öndər Heydər Əliyevin yolunu
bu gün uğurla davam etdirən Prezident İlham Əliyev
daim Azərbaycanın inkişafı, uğurları
üçün çalışır və bütün
çıxışlarında qeyd edir ki, gələcək gənclərin
əlindədir. Ona görə də gənclər
bu missiyanı vaxtında dərk etməlidirlər. Onlar bilməlidirlər ki, Azərbaycan dövlətçiliyini,
Heydər Əliyev irsini gələcəyə daşıyan
insanlardır. Onlar daim buna hazır və
ölkədə gedən hər bir prosesdən xəbərdar
olmalıdırlar.
Bu forumda iştirak edən gənc tələbələr
dövlət rəsmiləri ilə görüşlərlə
bərabər, xaricdə təhsil alan və
hazırda məzun olan həmkarları ilə də yaxın
ünsiyyət qururlar. Bir-biri ilə
qazandıqları təcrübəni, nailiyyətləri
paylaşan tələbələr üçün təhsil
imkanları genişdir. ASAİF daim bu tələbələri
bir araya gətirir, onlar arasında
bağlılığın, vəhdətin möhkəmlənməsi
üçün bir çox layihələr həyata
keçirir. Bunlardan biri də gənclər
arasında pulsuz kursların təşkil edilməsidir. Bu kurslarda xaricdə təhsil almağa maraq göstərən
gənclərə məsləhətlər verilir, uyğun
yollar göstərilir. Bu, onlar
üçün bir karyera imkanı hesab olunur. Hətta bir çox qurumlar kadr məsələlərində
ASAİF-ə müraciət edirlər. ASAİF həm də
iş yerlərinin tapılmasında gənclərə
yaxından kömək edir.
ASAİF hər zaman dövlətçilik
və milli ruhla silahlanmış gənclərdən ibarətdir.
Bu gün ASAİF müasirliyin, milliliyin və
dövlətçiliyin vəhdəti olan bir təşkilatdır.
Foruma
toplaşan gənclər dövlətin
yürütdüyü siyasətə tam sadiqdirlər
Orxan ƏKBƏROV,
ASAİF-in həmtəsisçisi, "Azərbaycan
Respublikası Dağlıq Qarabağ Bölgəsinin Azərbaycanlı
İcması" İctimai Birliyinin Əlaqələndirmə
Şurasının sədri:
- Xaricdə Təhsil Alan və Məzun
Olmuş Gənclərin Beynəlxalq Forumu uzun bir tarixi
inkişaf dövrünə malikdir.
Artıq neçə illərdir ki, biz xaricdə təhsil alan və məzun olan şəxsləri bir
araya gətiririk. Bu gün uzunmüddətli təcrübə
və ortaq dəyərlər nəticəsində bir araya gəlmiş,
dövlətin tərəqqi prioritetlərini öz
inkişafları kimi qəbul edən, Azərbaycanın xaricdə
təmsil olunması və nüfuzunun daha da yüksəldilməsi
sahəsində yorulmadan əmək sərf edən azərbaycanlı
gənclər ASAİF-in sırasındadır.
Əvvəllər forumun işində 50-yə
yaxın insan xüsusi dəvətlə iştirak edirdisə,
artıq bu il sayca 11-ci forumda iştirak
üçün insanlar bir-biri ilə rəqabət
aparırlar. Bizim forumlarda daim ictimai-siyasi xadimlər,
dövlət nümayəndələri gənclər
qarşısında çıxış edərək öz
fikirlərini bölüşürlər. Bu
da Azərbaycanda gənclər siyasətinin nə qədər
səmərəli və düzgün
aparıldığının bir daha təzahürüdür.
Azərbaycan Prezidenti İlham Əliyevin həyata
keçirdiyi siyasətin prioritet istiqamətlərindən biri
neft kapitalını insan kapitalına çevirməkdir.
Bu forum aparılan siyasətin həm göstəricisidir,
həm də nəticəsidir.
Forumda gənclər öz fikirlərini
bölüşmək, yeni ideyalar səsləndirmək
üçün çox gözəl imkan qazanırlar.
İl boyu təhsillə məşğul olan gənclərə
öz təcrübələrini bölüşmək
üçün belə forumların təşkil olunması
çox vacibdir. ASAİF məhz bu səbəbdən
yay aylarında Bakıda forum keçirir. Novruz
bayramı ərəfələrində isə xarici ölkələrin
birində, əsasən, forumun keçirildiyi ölkənin
parlamentində gənclər bir araya gəlirlər. İnanıram ki, bu forumlarda iştirak edən gənclər
Azərbaycan dövlətçiliyinə sadiq insanlardır, Azərbaycanın
gələcəyini öz gələcəyindən
ayırmayan gənclərdir. Onlar dövlətin
yürütdüyü siyasətə sadiq gənclərdir.
Azərbaycanın gələcəyini inşa edəcək
məhz bu gənclərin əlləri olacaq. Biz onlara inanırıq və istənilən
uğurlu layihələrində iştirak etməyə daim
hazırıq.
Leyla
Əliyevanın fəaliyyəti hər bir Azərbaycan gənci
üçün qürur mənbəyi və uğurlu
nümunədir
Fəridə ƏLİYEVA,
Böyük Britaniyanın
"Westminster" Universitetinin III kurs tələbəsi:
- Gənclik hər bir xalqın gələcəyini
və inkişaf yolunu müəyyənləşdirən, cəmiyyətin
ictimai-siyasi həyatında yaxından iştirak edən
aparıcı təbəqədir. Bu reallığı nəzərə
alan Azərbaycan dövləti gənclərə
malik olduqları qabiliyyət və intellektual imkanlar müqabilində
geniş meydan verməyin tərəfdarı kimi
çıxış edir, bu təbəqəyə daim
böyük diqqət və qayğı ilə yanaşır.
Son illərdə gənclərə olan diqqətin
daha da yüksəlməsi isə təbii ki, hər birimizi fərəhləndirir.
Hələ 2011-ci ilin aprelində Prezident
İlham Əliyevin müxtəlif sahələrdə
uğurlar qazanmış gənclərlə
görüşü Azərbaycan gəncliyinə dövlət
tərəfindən diqqətin bariz təcəssümü
idi. Gənclərin təhsili, məşğulluğunun
artırılması, bir sözlə, gənclərin mənafeyi
baxımından aktual məsələlərin müzakirə
edildiyi bu görüş dünyada az rast
gəlinən gözəl bir nümunədir. Məhz
həmin görüş Azərbaycan gəncliyinin
inkişafında keyfiyyətcə yeni mərhələnin əsasını
qoydu. Həmin görüşdən sonra hazırlanaraq təsdiq
olunan və iki ildir uğurla icra edilən "Azərbaycan gəncliyi
2011-2015-ci illərdə" Dövlət Proqramı gənclərin
hərtərəfli inkişafı üçün şəraitin
yaradılması, təhsil almaları üçün bərabər
imkanların təmin edilməsi, məşğulluğunun
artırılması, sosial müdafiələrinin gücləndirilməsi,
gənc kadrların hazırlanması, dövlət
qulluğunda və idarəetmədə peşəkar, bilikli gənclərin
sayının artırılması, gənc ailə institutunun
möhkəmləndirilməsi, gənclərdə müasir
düşüncə tərzinin
formalaşdırılması, onların idarəetmə və
tədqiqatyönlü fəaliyyətə cəlb edilməsi
kimi günümüzlə səsləşən aktual məsələləri
əhatə edir.
Bu gün Azərbaycan dövlətinin
qarşıya qoyduğu əsas vəzifələrdən biri
hazırkı sürətli inkişaf proseslərinə gəncləri
də cəlb etmək, onların bilik və
bacarığından yararlanmaqdır.
Çünki istənilən ölkənin tərəqqisi və
xoşbəxt gələcəyinə gedən yol gənclərin
iştirakı olmadan
mümkün deyildir. Təbii ki, bu
proseslərdə gənclərin iştirakını təmin
etmək üçün ilk növbədə, onların
yüksək təhsilinə, peşəkar kadr kimi
formalaşmalarına diqqət yetirmək lazımdır.
Axı, gənc nəslin təhsilinə qoyulan sərmayə
ölkəmizin inkişafı şəklində geri
dönür. Bütün mütərəqqi
cəmiyyətlərdə məhz insan kapitalına qoyulan sərmayə
gələcəyə yönəlmiş ən effektli
yatırım sayılır. Bu mənada Azərbaycan
Prezidentinin təsdiq etdiyi "2007-2015-ci illərdə Azərbaycan
gənclərinin xarici ölkələrdə təhsili
üzrə Dövlət Proqramı" dövlətimizin gənclər
sahəsinə göstərdiyi diqqətin, onun daimi
inkişafı və potensialından düzgün istifadə olunmasına verdiyi əhəmiyyətin
bariz göstəricisidir. Hazırda bu proqram
çərçivəsində Azərbaycan gəncləri
dünyanın inkişaf etmiş ölkələrinin ən
yaxşı universitetlərində dövlət hesabına təhsil
almaqdadırlar. Hər il yüzlərlə
gənc bu imkanı əldə edir. Azərbaycan
gəncləri bu proqramın verdiyi imkanlardan bəhrələnərək
dünyanın inkişaf etmiş texnologiyalarına yiyələnir,
qabaqcıl elm adamlarından və universitetlərdən dərs
alırlar. Dünyanın müxtəlif yerlərində
təhsil alan azərbaycanlı gənclər
həm də xaricdəki Azərbaycan diasporunun fəal üzvləri
kimi ölkəmizin haqq səsinin beynəlxalq aləmə
çatdırılmasında yaxından iştirak edirlər.
Xaricdə Təhsil Alan və Məzun
Olmuş Gənclərin Beynəlxalq Forumunun (ASAİF)
"Bizim forum, bizim seçim, bizim Azərbaycan" devizi
altında keçirilən XI Yay Forumu da göstərdi ki, Azərbaycan
gəncləri dövlətin onlara göstərdiyi etimadı
layiqincə doğruldur, istər təhsil aldıqları
ölkələrdə, istərsə də
çalışdıqları sahələrdə fərqlənirlər.
Qloballaşan dünyamızda getdikcə daha
çox aktuallıq qazanan şəbəkələşmə
hər bir cəmiyyətdə mühüm önəm kəsb
edir. Çünki məhz effektiv şəbəkələşmə
yolu ilə qısa zamanda və yüksək səmərəlilik
ilə təcrübə mübadiləsi aparmaq, informasiya
mübadiləsində iştirak etmək, bununla, həm
gündəmdə qalmaq, həm də hər hansı bir
reallığı gündəmdə saxlamaq
mümkündür. Yarandığı
gündən bu amallara xidmət edən ASAİF azərbaycanlı
gənclərin uğurlu platformasıdır.
Bu mənada ASAİF-in ənənəvi
yay forumları gənclərin şəbəkələşməsi
üçün mühüm vasitədir.
Sonuncu forumda iştirak edən 600-dən
artıq gənc xaricdə təhsil almış və ya
hazırda təhsilini davam etdirənlərdir. Bu gənclərin böyük əksəriyyəti gələcəkdə
Azərbaycanda təcrübəli və ixtisaslı kadrlar kimi
çox mühüm vəzifələrdə
çalışacaqlar. Bu baxımdan
onların birləşməsi çox müsbət haldır.
Belə forumların əsas müsbət cəhətlərindən
biri də odur ki, gözəl mühit yaradır, hər kəsi
bir araya gətirir, eyni zamanda, burada iştirak edən gənclər
öz üzərlərində dövlətin
qayğısını, diqqətini, etimadını hiss edirlər.
Gənclərimizin onları maraqlandıran məsələləri
və sualları dövlət rəsmiləri ilə birgə
müzakirə edə bilmələri baxımından da belə
forumların keçirilməsi olduqca mühüm əhəmiyyət
daşıyır.
Onu da qeyd etmək istəyirəm ki,
ASAİF dünyanın hər yerində ölkəmizin
tanıdılması üçün keçirilən tədbirləri,
diaspor və lobbiçilik fəaliyyətini yüksək səviyyədə
dəstəkləyir. Yüksək
təhsilli kadr kimi yetişməklə yanaşı, təhsil
aldığı ölkədə Azərbaycanımız
üçün lobbiçilik fəaliyyəti həyata
keçirmək gənclərimizin əsas vəzifəsidir.
Bu mənada Heydər Əliyev Fondunun vitse-prezidenti,
Rusiyanın Azərbaycanlı Gənclər Təşkilatının
sədri Leyla Əliyevanın nəinki Rusiyada, dünyanın
bir çox ölkəsində Azərbaycanın təbliği
və tanıdılması məqsədilə həyata
keçirdiyi möhtəşəm layihələr hər
birimiz üçün qürur və həm də gözəl
nümunədir. Biz çox sevinirik ki, xarici ölkələrdə
Azərbaycanı bu cür yüksək səviyyədə,
layiqincə təmsil edən gənclərimiz var. Biz də
ASAİF üzvü və xaricdə təhsil alan
gənc olaraq Leyla Əliyevanın təşəbbüsü
ilə həyata keçirilən layihələrdə
iştirakımızdan qürur duyuruq.
Hazırda dünynanın onlarla ölkəsində
təhsil alan minlərlə azərbaycanlı
gənc ASAİF-də birləşiblər. Eyni zamanda,
ASAİF sıralarında təhsilini başa vurmuş həkimlər,
iqtisadçılar, mühəndislər, politoloqlar, digər ixtisas sahibləri
var. Bu
insanların hər birini düşündürən əsas məsələ
ən yüksək biliklərə sahib olmaq və Azərbaycanın
inkişafına töhfə verməkdir. Əminəm
ki, Azərbaycan bu töhfələrin bəhrəsini lap
yaxında görəcək.
Gənclər
siyasəti uğurlu bəhrələrini verir
Aynur ALIŞANOVA,
Böyük Britaniyanın "London
College" Dövlət Universitetinin dövlət idarəçiliyi
fakültəsinin magistri:
- Azərbaycan gənclərinin sağlam
ruhda böyüməsi və ölkəyə layiqli vətəndaşlar
kimi yetişməsi üçün ötən illər ərzində
dövlət tərəfindən ardıcıl və sistemli tədbirlər
həyata keçirilib. Qeyd edim ki, ümummilli
liderin zəngin dövlətçilik fəaliyyətində gənclər
siyasəti xüsusi yer tutub. Heydər
Əliyev Azərbaycan gəncliyini aydın inkişaf yoluna
çıxarıb, cəmiyyətin bu əhəmiyyətli təbəqəsinin
hərtərəfli inkişafı istiqamətində
mühüm addımlar atıb.
1996-cı il fevralın
2-də müstəqil Azərbaycan Resrublikası Gənclərinin
I Forumu keçirilib. Gənclərin həyatında çox
önəmli və yaddaqalan bir hadisəyə çevrilən
forumdan sonra ölkədə gənclərə yeni münasibət
açıq-aydın hiss olundu. Fevral
ayının 2-sinin Azərbaycanda Gənclər Günü
kimi qeyd olunması barədə sərəncam imzalayan ulu
öndər bəyan etmişdi ki, "...biz dövlətin və
cəmiyyətin idarə edilməsində gənc nəslin
qüvvəsinə arxalanacaq, onların imkanlarından maksimum
istifadə edəcəyik". Bu fikir
ölkə gəncləri qarşısında geniş imkanlar
açdı və gənclər mühüm dövlət və
hakimiyyət orqanlarında məsul vəzifələrə irəli
çəkildilər.
Son on ildə də gənclərin hərtərəfli
inkişafı, onların intellektual səviyyəsinin yüksəldilməsi
üçün bütün imkanlardan istifadə edilib.
Dövlət tərəfindən gənclərə
göstərilən yüksək diqqət və qayği ildən-ilə
artırılmaqdadır. Gəncləri cəmiyyətin
ararıcı qüvvəsinə çevirmək məqsədilə
2005-ci ildə "Azərbaycan Gəncliyi Dövlət
Proqramı (2005-2009-cu illər)" qəbul edildi və bu
istiqamətdə mühüm tədbirlər həyata
keçirildi. "Təhsil sisteminin
informasiyalaşdırılması üzrə Dövlət
Proqramı"nın (2008-2012) təsdiq
edilməsi də bu sahədə atılan vacib
addımlardandır. Yüksək intellekti və
bacarığı ilə seçilən gənclərin
dövlət idarəetmə işlərinə cəlb olunmasi
deyilənləri bir daha təsdiqləyir. Azərbaycanda
gənclərin hərtərəfli inkişafı istiqamətində
genişmiqyaslı işlər ararılır. Bu
baxımdan "2007-2015-ci illərdə Azərbaycan gənclərinin
xarici ölkələrdə təhsili üzrə Dövlət
Proqramı"nın və 2011-ci il 7 iyul tarixində təsdiq
edilmiş "Azərbaycan gəncliyi 2011-2015-ci illərdə"
Dövlət Proqramının böyük əhəmiyyəti
var.
Müasir dünyanın yeni təhsil ənənələrinin
mənimsənilməsi, habelə yüksək ixtisaslı kadr
hazırlığı baxımından gənclərin xarici
ölkələrdə təhsil almasına dair dövlət
proqramlarının qəbul edilməsi mühüm əhəmiyyət
daşıyır. Azərbaycan gənclərinin
Amerika Birləşmiş Ştatları, Almaniya, Cənubi
Koreya, Fransa, İngiltərə, İspaniya, Rusiya, Türkiyə
və digər ölkələrdə təhsil almaları təmin
edilib. Ötən müddətdə proqram
çərçivəsində minlərlə azərbaycanlı
gənc həmin ölkələrin nüfuzlu universitetlərində
təhsil almağa göndərilib.
Bakıda Xaricdə Təhsil Alan və Məzun
Olmuş Azərbaycanlı Gənclərin Beynəlxalq Forumunun
(ASAİF) "Bizim forum, bizim seçim, bizim Azərbaycan"
devizi altında XI Yay Forumunun keçirilməsi də bu
baxımdan mühüm əhəmiyyət kəsb etdi.
Belə bir mötəbər forumun keçirilməsi
ölkəmizdə aparılan uğurlu dövlət gənclər
siyasətini, gəncliyin inkişafına göstərilən
diqqət və qayğını göstərdi.
Forumda 600-dən artıq azərbaycanlı
gəncin toplaşması tədbirin mühüm əhəmiyyət
kəsb etdiyini bir daha sübuta yetirdi.
Onların hamısı xaricdə təhsil alan
və hazırda təhsilini davam etdirən gənclərdir. Bu gənclərin böyük əksəriyyəti gələcəkdə
Azərbaycanda təcrübəli və ixtisaslı kadrlar kimi
çox mühüm vəzifələrdə
çalışacaq. Bu baxımdan
onların şəbəkələşməsi və birləşməsi
çox müsbət haldır. Bu tədbirin
mühüm cəhətlərindən biri də budur ki, forum
ailə mühiti yaradır, hər kəsi bir araya gətirir.
Burada iştirak edən gənclər öz
üzərlərində dövlətin
qayğısını, diqqətini, etimadını hiss edirlər.
Müxtəlif mövzularda təşkil olunan
panellərdə gənclərlə müzakirələr
aparıldı və gənclər öz fikirlərini azad və
sərbəst ifadə etmək imkanları qazandılar.
Forumun
keçirilməsində əsas məqsədlərdən biri
ondan ibarət idi ki, xaricdə təhsil alan tələbələr
bir-birlərini daha yaxından tanısınlar, dövlətimizin
bugünkü reallıqlarını, nailiyyətlərini təhsil
aldıqları ölkələrdə geniş təbliğ
etsinlər.
Hesab edirəm ki, budəfəki tədbirimiz qarşıya
qoyulan vəzifələrin həyata keçirilməsi
üçün böyük perspektivlər açacaq.
Azərbaycan. - 2013.- 3 sentyabr.- S. 5.