Azərbaycan və Yaponiya arasında təhsil sahəsində birgə layihələrin həyata keçirilməsi ilə bağlı məsələlər müzakirə olunmuşdur

Yaponiyanın Azərbaycandakı səfiri Şusuke Vatanabe Təhsil Nazirliyində olmuşdur.

Nazirlikdən bildirmişlər ki, görüşdə Azərbaycan və Yaponiya arasında təhsil sahəsində birgə layihələrin həyata keçirilməsi ilə bağlı məsələlər müzakirə olunmuşdur.

Təhsil naziri Mikayıl Cabbarov birgə layihələrin həyata keçirilməsində, xüsusilə də Şəki şəhəri 1 nömrəli peşə məktəbinin əsaslı təmiri, maddi-texniki bazasının yenilənməsi işində Yaponiyanın maliyyə yardımını və müvafiq mütəxəssislərinin dəstəyini yüksək qiymətləndirmişdir.

Görüşdə həmçinin ölkələrimiz arasında təhsil sahəsində əməkdaşlığın gələcək istiqamətləri ilə bağlı geniş fikir mübadiləsi aparılmışdır.

AzərTAc

Azərbaycan. - 2013.- 6 sentyabr.- S. 10.