Azərbaycan ilə
İsrail arasında gömrük
xidməti sahəsində əməkdaşlığın
perspektivləri müzakirə edilmişdir
Sentyabrın
9-da Dövlət Gömrük Komitəsinin
(DGK) sədri, gömrük xidməti
general-leytenantı Aydın Əliyev İsrail
Gömrük Direktorluğunun
gömrük sərhəd keçid
məntəqələri üzrə direktor
müavini Avraham Hadad və ekspertlər - Alon
Tassa, Omer Dinur və Gal Orpaz ilə görüşmüşdür.
DGK-nın
mətbuat xidmətindən AzərTAc-a bildirmişlər ki, Aydın Əliyev Azərbaycanla İsrail arasında təşəkkül
tapmış qarşılıqlı, faydalı əməkdaşlıq
münasibətlərinin səviyyəsindən məmnunluğunu
ifadə etmiş, əlaqələrin gələcəkdə
daha da intensivləşəcəyinə
ümidvar olduğunu bildirmişdir.
DGK-nın
sədri hər iki ölkənin gömrük xidmətlərinin
qarşılıqlı münasibətlərindən, əməkdaşlığın
perspektivlərdən bəhs etmiş,
qarşılıqlı fəaliyyətin və təcrübə
mübadiləsinin əhəmiyyətini
vurğulamışdır.
Qeyd olunmuşdur ki, ötən il tərəflər
arasında imzalanmış saziş iki ölkənin gömrük
xidmətləri arasında əlaqələrin
inkişafına stimul vermiş
və inteqrasiyanı sürətləndirmişdir.
A.
Əliyev Azərbaycan Gömrük Xidmətinin
keçdiyi inkişaf
yolundan, büdcə gəlirlərinin
formalaşmasında, iqtisadi təhlükəsizliyin
təmin edilməsində gömrük
orqanlarının rolundan
danışmış, sistemdə informasiya
texnologiyalarının tətbiqi, qanunvericilik
bazasının möhkəmləndirilməsi istiqamətində
həyata
keçirilən tədbirlərdən bəhs etmişdir.
Azərbaycanda
olmaqdan məmnunluğunu ifadə edən Avraham Hadad ölkəmizdə
iqtisadi tərəqqinin, hərtərəfli
inkişafın şahidi olduğunu
diqqətə çatdırmışdır. Ölkələrimiz
arasında iqtisadi, siyasi,
mədəni əlaqələri yüksək qiymətləndirən
qonaq ölkəsinin Azərbaycanla bütün sahələrdə əməkdaşlığa
xüsusi önəm verdiyini
bildirmiş, həmçinin gömrük müstəvisində münasibətlərin
daha da dərinləşdirilməsinin
vacibliyini vurğulamışdır.
Görüşdə
qarşılıqlı maraq doğuran bir sıra məsələlər
ətrafında geniş fikir
mübadiləsi aparılmışdır.
Azərbaycan. - 2013.- 10 sentyabr.- S. 4.