Vaşinqtonda Azərbaycan Araşdırmaları Mərkəzi yaradılmışdır

Vaşinqtondakı Corctaun Universitetinin Azərbaycan Araşdırmaları Mərkəzində ilk tədbir keçirilmişdir. Burada ilk məruzəçi Azərbaycan Diplomatik Akademiyasının Energetika və Ətraf Mühit üzrə Araşdırmalar Mərkəzinin rəhbəri Elnur Soltanov olmuşdur. E.Soltanov Azərbaycanın uğurları və ölkənin xarici siyasətinin prioritetləri barədə söhbət etmişdir.

Azərbaycan Respublikası Dövlət Neft Şirkəti (ARDNŞ) tərəfindən maliyyələşdirilən bu mərkəz Azərbaycanı öyrənən amerikalı tədqiqatçılar və alimlər üçün hər cür şərait yaradacaqdır. Azərbaycan Araşdırmaları Mərkəzinə doktor Brend Şaffer rəhbərlik edir.

Yusif BABANLI,

AzərTAc-ın xüsusi müxbiri

Vaşinqton

Azərbaycan. - 2013.- 13 sentyabr.- S. 8.