Şeyxülislam Hacı Allahşükür Paşazadə bir qrup ziyalı ilə birlikdə «İmamzadə» kompleksində olmuşdur

Qafqaz Müsəlmanları İdarəsinin sədri Şeyxülislam Hacı Allahşükür Paşazadə respublika Ağsaqqallar Şurasının sədri Fəttah Heydərov, millət vəkili Ziyad Səmədzadə və bir qrup ziyalı ilə Gəncədəki "İmamzadə" ziyarətgahında olmuş, burada aparılan abadlıq və yenidənqurma işləri ilə maraqlanmışdır.

Prezident İlham Əliyevin və Heydər Əliyev Fondunun prezidenti, Milli Məclisin deputatı Mehriban xanım Əliyevanın təşəbbüsü ilə yenidən qurulan ziyarətgahda artıq son tamamlama işləri görülür. Burada kişilər və qadınlar üçün xüsusi ibadət zalları, ikimərtəbəli mehmanxana və dini ayinlərin icrası üçün hər cür şərait yaradılmışdır. Görülən işlərdən razı qalan Hacı Allahşükür Paşazadə və ziyalılar milli-mənəvi dəyərlərimizə hörmətlə yanaşdığına görə dövlət başçısına minnətdarlıqlarını bildirmişlər.

AzərTAc

Azərbaycan. - 2013.- 13 sentyabr.- S. 8.