Naxçıvanda Gəmiqaya muzeyi yaradılır

Ordubad rayonunda dəniz səviyyəsindən 3 min 700 metr yüksəklikdəki Gəmiqaya qayaüstü rəsmlərinin yerləşdiyi ərazidə Gəmiqaya muzeyi yaradılır.

Milli memarlıq üslubunda inşa olunmuş muzey binasında ekspozisiya zalı və muzey əməkdaşları üçün iş otaqları fəaliyyət göstərəcəkdir. Artıq inşaat işləri başa çatmış və muzeyin qurulmasına başlanılmışdır.

Yeni yaradılan Gəmiqaya muzeyində son illər bu sahənin tədqiqi və öyrənilməsi məqsədilə imzalanmış sərəncamlar, arxeoloji tədqiqatların nəticələri və əldə edilmiş eksponatlar, fotosənədlər, Gəmiqaya haqqında söylənmiş elmi fikirlər, çap edilmiş monoqrafiyalar, kitablar sərgilənəcəkdir.

AzərTAc

Azərbaycan. - 2013.- 13 sentyabr.- S. 11.