Naxçıvan Dövlət Filarmoniyası Türkiyədə keçiriləcək festivalda iştirak edəcəkdir

Naxçıvan Dövlət Filarmoniyasının musiqi kollektivlərinin qardaş Türkiyə Respublikasında keçirilən müxtəlif festivallarda iştirakı artıq ənənəyə çevrilmişdir. Musiqi kollektivlərinin İzmir, Qars, İqdır, Ərdəhan və başqa bölgələrdə çıxışları rəğbətlə qarşılanmışdır.

AzərTAc xəbər verir ki, sentyabrın 13-də Naxçıvan Dövlət Filarmoniyası 15 nəfərdən ibarət heyətlə növbəti dəfə Türkiyənin paytaxtı Ankarada keçiriləcək X Beynəlxalq Anadolu Musiqi və Sənət Festivalında iştirak etmək üçün qardaş ölkəyə yola düşəcəkdir. Festivalda filarmoniyanın musiqi kollektivinin ifasında instrumental musiqi, xalq mahnı və rəqsləri, Azərbaycan bəstəkarlarının mahnıları ifa olunacaqdır.

Azərbaycan. - 2013.- 13 sentyabr.- S. 11.