Fövqəladə hallar naziri Zaqatalada vətəndaşları qəbul etmişdir

Sentyabrın 13-də Azərbaycan Respublikasının fövqəladə hallar naziri general-polkovnik Kəmaləddin Heydərov Zaqatala rayonunda nazirliyin Şimal-Qərb Regional Mərkəzinin əhatə etdiyi Zaqatala, Qəbələ, Şəki, Balakən, Qax, Oğuz, İsmayıllı, Şamaxı, Ağsu və Qobustan rayonlarının sakinlərini qəbul etmişdir.

Fövqəladə Hallar Nazirliyinin mətbuat xidmətindən AzərTAc-a bildirmişlər ki, Kəmaləddin Heydərov tərəfindən qəbul edilən 48 vətəndaşın müraciətlərinin bir çoxu yerindəcə öz həllini tapmış, bir sıra məsələlərlə bağlı qanunvericiliyə uyğun dərhal zəruri tədbirlərin görülməsi barədə aidiyyəti strukturların rəhbərlərinə tapşırıqlar verilmişdir.

Bundan əlavə, baş vermiş zəlzələ ilə bağlı 1200-dən artıq vətəndaş nazir müavinləri və aidiyyəti qurum rəhbərliyi, kadr məsələləri ilə bağlı 125, digər məsələlərlə bağlı müraciət etmiş 35 vətəndaş nazirliyin müvafiq baş idarə və struktur rəhbərləri tərəfindən qəbul olunmuşdur.

Azərbaycan. - 2013.- 14 sentyabr.- S. 6.