Azərbaycan filmləri Daşkənddə

Özbəkistanın paytaxtı Daşkənddə Azərbaycan səfirliyinin nəzdində fəaliyyət göstərən Heydər Əliyev adına Mədəniyyət Mərkəzində milli kinomuzun 115 illiyi ilə bağlı tədbirlər çərçivəsində Azərbaycan filmlərinin təqdimatına start verildi. Ötən əsrdə çəkilmiş "Arşın mal alan", "O olmasın, bu olsun", "Qayınana", "Əhməd haradadır?", "Görüş" və digər filmlərimiz Özbəkistanda çoxdan məşhurdur və indi də müntəzəm olaraq telekanallarda nümayiş etdirilir.

Azərbaycan filmləri bu ölkədə həmişə rəğbətlə qarşılanır. Özbək tamaşaçıları qardaş ölkədə çəkilən yeni ekran əsərlərini də maraqla izləyirlər. Mədəniyyət Mərkəzində əsasən yeni filmlər nümayiş etdirildi. Mədəniyyət və Turizm Nazirliyinin sifarişi ilə çəkilmiş filmlərimiz bu baxışda da böyük uğurlar qazandı.

Azərbaycan.-2013.- 27 sentyabr.- S.12.