Azərbaycan Respublikası Nazirlər Kabinetinin 2010-cu il 30 noyabr tarixli 228 nömrəli qərarı ilə təsdiq edilmiş «Azərbaycan Respublikası İqtisadi İnkişaf Nazirliyinin strukturuna daxil olmayan tabeliyindəki qurumların siyahısı»nda dəyişikliklər edilməsi haqqında

Azərbaycan Respublikasının Nazirlər Kabineti qərar

№ 16 Bakı şəhəri, 25 yanvar 2013-cü il

Azərbaycan Respublikası Prezidentinin 2006-cı il 28 dekabr tarixli 504 nömrəli fərmanı ilə təsdiq edilmiş "Azərbaycan Respublikasının İqtisadi İnkişaf Nazirliyi haqqında Əsasnamə"nin 5.3-cü bəndinə əsasən Azərbaycan Respublikasının Nazirlər Kabineti qərara alır:

1. Azərbaycan Respublikası Nazirlər Kabinetinin 2010-cu il 30 noyabr tarixli 228 nömrəli qərarı (Azərbaycan Respublikasının Qanunvericilik Toplusu, 2010, № 11, maddə 1055) ilə təsdiq edilmiş "Azərbaycan Respublikası İqtisadi İnkişaf Nazirliyinin strukturuna daxil olmayan tabeliyindəki qurumların siyahısı"nda aşağıdakı dəyişikliklər edilsin:

1.1. birinci abzasda "Bürosu" sözü "Mərkəzi" sözü ilə əvəz edilsin;

1.2. aşağıdakı məzmunda altıncı abzas əlavə edilsin:

"Sumqayıt Kimya Sənaye Parkı" Məhdud Məsuliyyətli Cəmiyyəti".

Artur RASİ-ZADƏ,

Azərbaycan Respublikasının Baş naziri

Azərbaycan.-2013.- 26 yanvar.- S.1.