Azərbaycan ilə Monteneqro
və ATƏT-in Parlament Assambleyası
arasında əlaqələrin inkişafı məsələləri
müzakirə olunmuşdur
Aprelin
16-da Azərbaycan Respublikasının Baş naziri Artur Rasizadə
Monteneqro parlamentinin sədri, ATƏT Parlament
Assambleyasının prezidenti Ranko Krivokapiçin
başçılıq etdiyi nümayəndə heyəti ilə
görüşmüşdür.
AzərTAc
xəbər verir ki, Baş nazir Artur Rasizadə ölkələrimiz
arasında müxtəlif sahələrdə əməkdaşlığın
genişləndirilməsi üçün yaxşı
potensialın olduğunu bildirmişdir. Birgə əməkdaşlığın
inkişafının böyük maraq doğurduğu, bunun
üçün hər iki ölkənin geniş imkanlara malik
olduğu diqqətə çatdırılmışdır.
Baş
nazir Azərbaycanın iqtisadi və sosial sahələrdə əldə
etdiyi uğurlar barədə məlumatları Monteneqro
parlamentinin sədrinin diqqətinə
çatdırmışdır.
Daha
sonra Ermənistan-Azərbaycan, Dağlıq Qarabağ
münaqişəsi və onun ağır nəticələri
barədə qonağa ətraflı məlumat verən Baş
nazir Artur Rasizadə bildirmişdir ki, Ermənistanın Azərbaycana
hərbi təcavüzü nəticəsində
torpaqlarımızın 20 faizi işğal olunmuş, 1
milyondan çox vətəndaşımız etnik təmizləmə
siyasətinə məruz qalmışdır. Baş nazir Azərbaycanın
bu problemin beynəlxalq hüququn norma və prinsipləri əsasında
həllinə tərəfdar olduğunu diqqətə
çatdırmışdır.
Görüşdə
ölkələrimiz arasında münasibətlərin, o
cümlədən iqtisadi sahədə əməkdaşlığın
perspektivləri barədə fikir mübadiləsi
aparılmışdır.
Azərbaycan.-2014.- 17 aprel.- S.2.