ABŞ Dövlət Departamenti Ermənistan-Azərbaycan qoşunlarının təmas xəttində artan gərginlikdən narahatdır

ABŞ Dövlət Departamenti iyulun 31-dən başlayaraq Ermənistan-Azərbaycan qoşunlarının təmas xəttində artan gərginlikdən narahatdır, hər iki tərəfdən ölənlərin ailələrinə başsağlığı verir və tərəfləri atəşkəsə riayət etməyə çağırır.

AzərTAc-ın ABŞ Dövlət Departamentinin saytına istinadən verdiyi məlumata görə, bunu qurumun rəsmi nümayəndəsi Cen Psaki keçirdiyi son brifinqdə deyib.

Münaqişənin hərbi yolla həllinin istisna olunduğunu deyən C.Psaki qarşıdurmanın davam etməsinin yalnız sülh danışıqlarının çətinləşdirilməsinə gətirib çıxaracağını bildirib. O deyib: “Biz ATƏT-in Minsk Qrupunun həmsədri olaraq Dağlıq Qarabağ münaqişəsinin həlli üçün tərəflərə dəstək verməyə hazırıq”.

Azərbaycan. - 2014.- 6 avqust.- S. 1.