Azərbaycan ilə
Serbiya arasında müdafiə sənayesi sahəsi üzrə
əməkdaşlığın perspektivləri müzakirə
edilib
Avqustun
12-də Serbiya Respublikasının müdafiə naziri Bratislav
Qaşiçin rəhbərlik etdiyi nümayəndə heyəti
ilə Müdafiə Sənayesi Nazirliyində (MSN)
görüş olub.
MSN-in
mətbuat xidmətindən AzərTAc-a bildiriblər ki,
görüşdə nazir Yavər Camalov qonaqlara rəhbərlik
etdiyi qurumun fəaliyyəti və sentyabrın 11-dən 13-dək
Bakıda keçiriləcək “ADEX-2014” birinci Azərbaycan
beynəlxalq müdafiə sənayesi sərgisi ilə
bağlı məlumat verib.
Söhbət
zamanı Azərbaycan ilə Serbiya arasında müdafiə sənayesi
sahəsində mövcud əməkdaşlığın
perspektivləri və qarşılıqlı maraq doğuran
digər məsələlər müzakirə edilib.
Görüşdə
Serbiyanın Azərbaycandakı müvəqqəti işlər
vəkili Milanko Bajçeto da iştirak edib.
Səfər
çərçivəsində nümayəndə heyəti
MSN-in elektron hesablayıcı maşınlar zavodunda istehsal
prosesini izləyib, nazirliyin müəssisələrində
hazırlanmış məmulatlarla tanış olub.
Azərbaycan. - 2014.- 13 avqust.- S.2.