«Dostluq» parkı yenidən qurulub

Son illərdə şəhərimizin küçə və meydanları, park və bağları yenidən qurulur. Azərbaycanın Milli Qəhrəmanı Əsgər Əliyev adına "Dostluq" istirahət parkı da şəhərin yeniləşən istirahət mərkəzlərindən biridir. Bədii tərtibatına və yaşıllığına görə diqqəti cəlb edən bu parkda istər şəhər sakinlərinin, istərsə də rayonumuzun kənd və qəsəbələrindən gələnlərin dincəlməsi və istirahəti üçün müasir işıqlandırıcılar quraşdırılmış, dekorativ ağac və gül kolları əkilmiş, divarlar ağlayla üzlənmiş, kölgəliklərdə yeni oturacaqlar qoyulmuşdur. Milli Qəhrəman Əsgər Əliyevin büstünün ətrafı yenidən mərmər üzlüklə işlənmişdir.

"Dostluq" istirahət parkında çayxana, Veteranlar klubu fəaliyyət göstərir. Sözsüz ki, bunlar gələnlərin istirahətinin nümunəvi təşkilində mühüm rol oynayır. Bu park bir şəhər sakini kimi mənim də ən çox sevdiyim və istirahət etdiyim yerdir. Asudə vaxtımın çox hissəsini burada keçirirəm. "Dostluq"la yanaşı, ulu öndər Heydər Əliyevin və Həzi Aslanovun adına xatirə parkları və Xocalı soyqırımı abidə-kompleksi də hamımızın daim ziyarət etdiyi yerlərdir.

Nəsir RZAYEV

Azərbaycan. - 2014.- 20 avqust.- S. 5.