“Narkoloji xidmət və nəzarət haqqında” Azərbaycan

Respublikasının Qanununda dəyişikliklər edilməsi barədə

Azərbaycan Respublikasının Qanunu

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 1-ci bəndini rəhbər tutaraq, “Normativ-hüquqi aktlar haqqında” Azərbaycan Respublikasının Konstitusiya Qanununu nəzərə alaraq qərara alır:

“Narkoloji xidmət və nəzarət haqqında” Azərbaycan Respublikasının Qanununda (Azərbaycan Respublikasının Qanunvericilik Toplusu, 2001, № 9, maddə 577; 2002, № 5, maddə 240; 2003, № 12, I kitab, maddə 697; 2007, № 6, maddə 560, № 10, maddə 938; 2008, № 7, maddə 602; 2012, № 4, maddə 281) aşağıdakı dəyişikliklər edilsin:

1. 5.6-cı maddənin birinci cümləsində “keçirilə bilər” sözləri “keçirilir” sözü ilə və üçüncü cümləsində “verilə bilər” sözləri “verilir” sözü ilə əvəz edilsin;

2. 21.2-ci maddənin ikinci cümləsində “qaldırıla bilər” sözləri “qaldırılır” sözü ilə əvəz edilsin;

3. 21.2-1-ci maddədə “edilə bilər” sözləri “edilir” sözü ilə əvəz edilsin;

4. 23.2.7-ci maddədə “qanunvericiliklə” sözü “Reklam haqqında” Azərbaycan Respublikasının Qanununda” sözləri ilə əvəz edilsin.

İlham ƏLİYEV,

Azərbaycan Respublikasının Prezidenti

Bakı şəhəri, 28 oktyabr 2014-cü il

Azərbaycan.-2014.-4 dekabr.-S.2.