Professor Nərgiz Paşayeva görkəmli şərqşünas alim Aida İmanquliyevanın

irsinin toplandığı kitabları Mərkəzi Elmi Kitabxanaya hədiyyə etmişdir

M.V.Lomonosov adına Moskva Dövlət Universitetinin Bakı filialının rektoru, professor Nərgiz Paşayeva Azərbaycanın görkəmli şərqşünas alimi, filologiya üzrə elmlər doktoru, professor Aida İmanquliyevanın irsinin toplandığı kitabları AMEA-nın Mərkəzi Elmi Kitabxanasının fonduna hədiyyə etmişdir.

Professor Aida İmanquliyevanın Mərkəzi Elmi Kitabxananın fonduna təqdim olunmuş irsinə onun qələmə aldığı məqalələrin və ərəb dilindən Azərbaycan dilinə tərcümə etdiyi hekayələrin toplandığı "Məqalələr və tərcümələr" kitabı, həmçinin görkəmli şərqşünas alimin 70 illik yubileyinə həsr olunmuş "Şərq və Qərb: ortaq mənəvi dəyərlər, elmi-mədəni əlaqələr" mövzusunda Beynəlxalq İbn Ərəbi Simpoziumunun materiallarının ingilis dilində nəşr olunmuş nüsxəsi və "Şərqşünaslığın aktual problemləri" mövzusunda respublika elmi konfransının materiallarının dərc edildiyi kitabları daxildir.

AzərTAc

Azərbaycan-2014.- 11 fevral.- S.3.