Sumqayıt hadisələri erməni faşistlərinin məkrli hiyləsidir

Sumqayıt Tarix Muzeyində Sumqayıt Şəhər İcra Hakimiyyətinin təşəbbüsü, şəhər gənclər və idman baş idarəsinin birgə təşkilatçılığı ilə "1988-ci ilin fevralında Sumqayıtda ermənilər tərəfindən törədilmiş hadisələr və Xocalı soyqrımı"na həsr edilmiş "dəyirmi masa" keçirilmişdir.

Mərasimdə çıxış edən Sumqayıt Şəhər İcra Hakimiyyəti başçısının müavini Elgin Həbibullayev 26 il öncə baş verən hadisələrin erməni təxribat maşınının məkrli hiyləsi olduğunu iştirakçıların nəzərinə çatdırdı. E.Həbibullayev bildirdi ki, erməni faşistləri nə dərəcədə amansız qatil olduqlarını Sumqayıt hadisələrində aydın göstərdilər. Onlar öz bəd niyyətlərinə çatmaq üçün hətta öz soydaşlarının qanını tökməkdən belə çəkinmədilər. Törədilən talan və amansız qətl hadisələrinin ssenarisini hazırlayıb axıradək icra edən erməni cəlladları bütün bu cinayətlərdə həyasızcasına başqalarını ittiham edirdilər. Məqsədləri də aydın idi: ərazilərimizi işğal edən, Xocalı soyqırımını törədən erməni qatilləri Sumqayıt hadisələri ilə faşıst mahiyyətlərini gizlətməyə, ağır cinayətlərini ört-basdır etməyə çalışırdılar.

Natiq həmçinin vurğuladı ki, müasir dünya çox gərgin və qarışıq bir dövrünü yaşamaqdadır. Bu gün Prezident İlham Əliyevin müdrikliklə yeritdiyi xarici siyasət dövlətimizi bölgədə liderə çevirib. Yüksələn iqtisadi göstəricilər Azərbaycanın dünyada nüfuzunun artmasına, mövqeyinin güclənməsinə xidmət edir.

Tədbirdə çıxış edən Sumqayıt Gənclər və İdman Baş İdarəsinin rəisi M.Həsənov, tədqiqatçı jurnalist E.Məmmədov, yazıçı Ə.Lələdağ, SDU-nun kafedra müdiri professor R.Məmmədov və digərləri hadisələrin keçmiş Sovetlər birliyinin rəhbəri M.Qorbaçovun dəstəyilə ermənilər tərəfindən xüsusi ssenari ilə törədildiyini faktlarla iştirakçıların nəzərinə çatdırdılar. Bildirildi ki, Sumqayıt hadisələri əslində xəstə erməni təxəyyülünün "böyük Ermənistan" adlı məkrli və zəncirvari planının bir hissəsi idi. Xilqəti xəyanətlə yoğrulan erməni cəlladları Qorbaçovun xeyir-duası ilə Sumqayıt hadisələrində Xocalı faciəsini "məşq" etdilər və qaldırdıqları hay-küyə sevindilər.

Mərasimin sonunda Sumqayıt Şəhər İcra Hakimiyyəti başçısının müavini Elgin Həbibullayev belə tədbirlərin gənclərin dünyagörüşünün formalaşmasında mühüm rol oynadığını mərasim iştirakçılarının diqqətinə çatdırdı. Əgər ötən əsrdə onilliklər boyu bizi erməni cəlladlarının törətdikləri cinayətləri unutmağa, onlara poemalar yazmağa vadar edirdilərsə, bu gün müstəqil Azərbaycan dövləti erməni faşistlərinin törətdikləri saysız faciələrin açılması, qatillərin ittiham edilməsi üçün bütün imkanlardan faydalanmağa çalışır. Artıq müasir gənclik düşmənlərini daha yaxşı tanıyır.

Tədbirdə Sumqayıt Gənclər və İdman Baş İdarəsi tərəfindən Sumqayıt hadisələrinə işıq salan kitablar ingilis, alman, fransız və rus dillərində mərasim iştirakçılarına paylanıldı.

Akif ƏLİYEV,

Azərbaycan.-2014.- 28 fevral.- S.8.