Ekologiya və təbii sərvətlər
naziri
Qusar şəhərində vətəndaşları
qəbul etmişdir
Azərbaycan
Respublikasının Prezidenti İlham Əliyevin
tapşırıq və tövsiyələrinə uyğun
olaraq iyulun 1-də ekologiya və təbii sərvətlər
naziri Hüseynqulu Bağırov Qusar şəhərindəki
Heydər Əliyev Mərkəzində Quba, Xaçmaz,
Şabran, Qusar, Siyəzən və Xızı rayonlarından
olan 50–dən artıq vətəndaşı qəbul
etmişdir.
AzərTAc xəbər verir ki, nazirliyin idarə və departament, həmçinin tabeli qurumlarının rəhbərlərinin də iştirak etdikləri qəbulda vətəndaşların müraciətləri əsasən ətraf mühitin və ekoloji tarazlığın mühafizəsi, meşələrin qorunması, hidrometeorologiya, geologiya, biomüxtəliflik, ətraf mühitin monitorinqi və digər məsələlərlə bağlı olmuşdur.
H.Bağırov qəbula yazılmış vətəndaşların müraciət, şikayət və təkliflərini diqqətlə dinləmiş, onların narazılığına səbəb olan halların aradan qaldırılması, hər bir müraciətin operativ şəkildə araşdırılması, qaldırılan məsələlərin qanunvericiliyə uyğun həlli istiqamətində nazirliyin müvafiq strukturlarının rəhbərlərinə konkret tapşırıqlar vermişdir.
Eyni zamanda, vətəndaşlar tərəfindən verilən müxtəlif təkliflər qeydə alınmış, onları narahat edən şikayət xarakterli müraciətlər araşdırılaraq müvafiq tədbirlərin görülməsi üçün nəzarətə götürülmüşdür.
Müraciətlərin bir qismi yerindəcə öz
həllini tapmışdır. Nazirliyin səlahiyyətlərinə
aid olmayan müraciətlər
isə aidiyyəti qurumlara
çatdırılmaq üçün qeydiyyata alınmışdır.
Azərbaycan.-2014.- 2 iyul.- S.5.