Akkreditasiya iqtisadiyyatda keyfiyyətin

idarə olunmasının mühüm alətidir

Standartlaşdırma, Metrologiya və Patent üzrə Dövlət Komitəsinin təşkilatçılığı ilə 9 iyun – Dünya Akkreditasiya Gününə həsr olunmuş tədbir keçirilmişdir.

Tədbirdə çıxış edən Standartlaşdırma, Metrologiya və Patent üzrə Dövlət Komitəsi yanında Dövlət Akkreditasiya Xidmətinin rəisi Ramiz Həsənov daxili bazarın təhlükəli məhsullardan qorunmasında, ticarətdə texniki maneələrin aradan qaldırılmasında və sahibkarlığın inkişaf etdirilməsində akkreditasiyanın mühüm olduğunu qeyd etmişdir. Xidmət rəisinin sözlərinə görə, onun dünya iqtisadiyyatında keyfiyyətin idarəolunması istiqamətindəki rolunu nəzərə alan beynəlxalq təşkilatlar 2008-ci ildən etibarən hər ilin 9 iyun tarixini Beynəlxalq Akkreditasiya Günü kimi qeyd olunması qərarına gəlmişlər.

Çıxış edənlər Standartlaşdırma, Metrologiya və Patent üzrə Dövlət Komitəsinin son illər ölkəmizdə keyfiyyət infrastrukturunun inkişafı istiqamətindəki rolundan, ölkəmizdə akkreditasiya sahəsində aparılan islahatlar barədə danışmışlar.

Azərbaycan.-2014.- 10 iyun.- S.4.