Dövlət Sosial
Müdafiə Fondunun sədri
Mingəçevirdə
vətəndaşları qəbul etmişdir
Azərbaycan
Respublikasının Prezidenti İlham Əliyevin
tapşırıq və tövsiyələrinə uyğun
olaraq mərkəzi icra hakimiyyəti orqanlarının rəhbərləri
bölgələrdə vətəndaşların qəbulunu
keçirir, onların müxtəlif məsələlərlə
bağlı müraciət, ərizə və şikayətlərinin
müsbət həll edilməsi üçün müvafiq tədbirlər
görürlər.
AzərTAc
xəbər verir ki, mərkəzi icra hakimiyyəti
orqanları rəhbərlərinin şəhər və
rayonlarda vətəndaşların qəbulu cədvəlinə
uyğun olaraq Dövlət Sosial Müdafiə Fondunun (DSMF) sədri
Elman Mehdiyev iyunun 18-də Mingəçevir şəhərində
vətəndaşları qəbul etmişdir.
DSMF-in
Mingəçevir şəhər şöbəsinin inzibati
binasında təşkil olunan qəbulda Mingəçevir
şəhərindən, Şəki, Qax, Zaqatala, Balakən,
Oğuz və Qəbələ rayonlarından olan vətəndaşların
müraciətləri dinlənilmişdir.
Vətəndaşların rahatlığının təmin olunması məqsədilə DSMF-in sspf.gov.az rəsmi internet saytında qəbula əvvəlcədən yazılmaq imkanı yaradılması, eləcə də qəbula gəlmək üçün qurumun rayon şöbələri tərəfindən xüsusi nəqliyyat vasitələrinin ayrılması insanlar tərəfindən razılıq hissi ilə qarşılanmışdır.
Məcburi dövlət sosial sığorta ödəyiciləri və pensiyaçıların iştirakı ilə “Açıq qapı” şəraitində keçirilən görüşdə qəbula yazılanlardan əlavə digər vətəndaşların da müraciətləri dinlənilmişdir.
Ümumiyyətlə, qəbulda 7 şəhər və rayondan gəlmiş 35 vətəndaşın müraciətinə baxılmışdır.
Qəbulda vətəndaşların sosial sığorta və pensiya təminatı, o cümlədən sosial sığorta stajının müəyyənləşdirilməsi, pensiyaların məbləğinin yenidən hesablanması, başqa dövlətlərin ərazisində qazanılmış iş müddətlərinin sığorta stajına daxil edilməsi, həmçinin əmək pensiyası növünün dəyişdirilməsi və digər məsələlərlə bağlı müraciətlərinin bəziləri yerindəcə həll edilmiş, bəziləri barədə izahat verilmiş, bir qismi isə fondun səlahiyyətlərinə aid olmadığından aidiyyəti təşkilatlara çatdırılması üçün qeydiyyata alınmışdır.
Vətəndaşlar mərkəzi
icra hakimiyyəti orqanlarının rəhbərləri
tərəfindən mütəmadi olaraq
bölgələrdə qəbulların keçirilməsindən
razı qaldıqlarını vurğulayaraq,
göstərilən yüksək diqqət və
qayğıya görə Prezident İlham Əliyevə dərin minnətdarlıqlarını
bildirmişlər.
Azərbaycan.-2014.- 19 iyun.- S.4.