Nəqliyyat naziri Goranboyda vətəndaşları qəbul etmişdir

Prezident İlham Əliyevin tapşırığına əsasən, mərkəzi icra hakimiyyəti orqanlarının rəhbərləri bölgələrdə vətəndaşların qəbulunu davam etdirirlər.

AzərTAc xəbər verir ki, respublikanın nəqliyyat naziri Ziya Məmmədov növbəti qəbulu Goranboy rayonunda keçirmişdir. Qəbulda Goranboyla yanaşı, Yevlax, Bərdə, Tərtər rayonlarının sakinləri və Xocalıdan olan məcburi köçkünlər də iştirak etmişlər.

Müraciətlər əsasən rayonlararası və kənddaxili yolların bərpası, qəza vəziyyətində olan körpülərin təmiri, dəmiryol keçidlərində təhlükəsizlik, eləcə də işə qəbul məsələləri ilə bağlı olmuşdur. Bəzi müraciətlər yerindəcə həll edilmişdir. Qaldırılan bir sıra məsələlər isə tədbir görülmək üçün nəzarətə götürülmüşdür.

Ümumiyyətlə, 70-dək vətəndaşın iştirak etdiyi qəbulda nazirliyin səlahiyyətinə aid olmayan müraciətlər müvafiq orqanlara çatdırılmaq üçün qeydiyyata alınmışdır.

Azərbaycan.-2014.- 1 mart.- S.9.