Milli Məclisin komitə iclaslarında
Mayın 19-da Milli Məclisin Hüquq siyasəti və dövlət quruculuğu komitəsinin iclası keçirilib. Komitənin sədri
Əli Hüseynli əvvəlcə "Azərbaycan
Respublikası ilə Avropa İttifaqı arasında icazəsiz yaşayan şəxslərin
readimissiyası haqqında"
Sazişin təsdiq edilməsi barədə qanun layihəsi haqqında məlumat verib. Bildirib ki, saziş
Azərbaycan və Avropa İttifaqına daxil olan dövlətlərin
ərazisində qanunsuz
yaşayanların geri
qaytarılması öhdəliyini
öz üzərinə
götürür. Sənəd
həmçinin Azərbaycan
və Avropa İttifaqına üzv dövlətlərin ərazisinə
daxil olmaq, qalmaq və ya yaşamaqla bağlı şərtlərə
əməl etməyən
şəxslərin müəyyən
edilməsinin, onların
təhlükəsiz və
nizamlı şəkildə
qayıtmalarının tez və səmərəli prosedurlarını qurmağa
imkan verir.
Müzakirələr zamanı komitə üzvləri sazişin təsdiq edilməsinin vacibliyini bildirdilər. Qeyd edildi
ki, bu saziş
Azərbaycan ilə Avropa İttifaqına daxil olan ölkələr
arasındakı viza məsələlərini asanlaşdıracaq.
Qanun layihəsi Milli Məclisin plenar iclasına tövsiyə olundu.
Sonra "Azərbaycan
Sərhəd Mühafizəsinin
95 illiyi" (1919-2014) yubiley
medalının təsis
edilməsi ilə əlaqədar "Azərbaycan
Respublikasının orden
və medallarının
təsis edilməsi haqqında" qanuna təklif olunan dəyişikliklər barədə
məlumat verildi. Qeyd olundu ki, sözügedən
yubiley medalı ilə 2014-cü il avqust ayının 18-dək
müvafiq icra hakimiyyəti orqanlarında
həqiqi hərbi xidmət keçən, xidməti vəzifələrinin
icrasında uğurlar
qazanmış zabitlər,
gizirlər, miçmanlar
və müddətdən
artıq həqiqi hərbi xidmət hərbi qulluqçuları,
habelə sərhəd
xidməti orqanlarının
qurulmasında və möhkəmləndirilməsində fəal iştirak etmiş, ehtiyata buraxılmış zabitlər
və digər şəxslər təltif
edilirlər. Bu qanun layihəsi də Milli Məclisin
plenar iclasına tövsiyə edildi.
İclasın gündəliyində olan digər məsələ
"Azərbaycan Respublikasının
Şəhərsalma və
Tikinti Məcəlləsində
dəyişikliklər edilməsi
barədə qanun layihəsi idi. Layihəyə
əsasən, Məcəllənin
69.5.2 maddəsində "kənd
ərazilərində və"
sözləri çıxarılır,
80-ci maddəyə əsasən,
barəsində məlumatlandırma
icraatı tətbiq edilən yaşayış
evlərinə münasibətdə
ara məsafəsi divar hündürlüyünün
0.3 hissəsi əlavə
edilir.
"Azərbaycan Respublikasının
Cinayət Məcəlləsində
dəyişikliklər edilməsi
barədə" qanun
layihəsində isə
su təchizatı ilə bağlı bir neçə maddəyə düzəlişlər
olunub. Sənəddə
müvafiq maddələrə
görə təbii qaz və enerji
resurslarından istifadə
qaydaları sudan
istifadəyə də
tətbiq olunur. Su hövzələrindən qeyri-qanuni istifadə edən şəxslər elektrik enerjisi və təbii qazdan qanunsuz istifadə edənlərlə
bərabər cərimələnəcək.
Gündəlikdə duran
"Əməliyyat-axtarış fəaliyyəti haqqında"
qanunda dəyişiklik
edilməsi barədə
və İnzibati Xətalar Məcəlləsində
dəyişikliklər edilməsi
haqqında" qanun layihələrində isə
bir sıra texniki
dəyişikliklər nəzərdə
tutulub.
Komitə
üzvlərinin müzakirə
etdikləri sonuncu məsələ "Azərbaycan Respublikasının
Cinayət Məcəlləsində
dəyişikliklər edilməsi
haqqında" qanun layihəsi idi. Layihəyə əsasən, Məcəllənin
bəzi maddələrində
sanksiyaların ciddi şəkildə artırılması
nəzərdə tutulub.
Sənədə görə,
cinayətin məcmusuna
daxil olan cinayətlərdən birinə
görə ömürlük
azadlıqdan məhrumetmə
növündə cəza
və ya iyirmi il
müddətinə azadlıqdan
məhrum etmə cəzası təyin edildikdə isə az ciddi cəzanı
daha ciddi cəza ilə əhatə edərək qəti cəza təyin edilir. Bəzi cinayət hallarına görə, nəzərdə tutulan 5 il azadlıqdan
məhrum etmə cəzası 10, 10 il azadlıqdan məhrum etmə cəzası 15, 15
il azadlıqdan məhrum etmə isə 20 ilədək müəyyən edilib və s.
Sonda bu qanun layihələri də Milli Məclisin
plenar iclasına tövsiyə edildi.
* * *
Dünən Milli Məclisin Regional məsələlər komitəsinin
iclası keçirilmişdir. İclasda
"Yerli (bələdiyyə)
vergilər və ödənişlər haqqında"
Azərbaycan Respublikasının
Qanununda dəyişiklik
edilməsi barədə",
"Bələdiyyələrin statusu haqqında" Azərbaycan Respublikasının
Qanununda dəyişiklik
edilməsi barədə",
"Büdcə sistemi
haqqında" Azərbaycan
Respublikasının Qanununda
dəyişiklik edilməsi
barədə" və
"Azərbaycan Respublikasının
Vergi Məcəlləsində
dəyişikliklər edilməsi
haqqında" qanun layihələri müzakirə
edilmişdir. Layihələr barədə komitə sədri Arif Rəhimzadə məlumat vermişdir.
A.Rəhimzadə bildirmişdir ki, "Yerli (bələdiyyə) vergilər və ödənişlər haqqında"
qanuna 11.4-cü maddənin
əlavə olunması
təklif edilir, yəni bundan sonra yerli vergi
və ödənişlərin
ödənilməsi nağd
şəkildə deyil,
banklar, poçt rabitəsinin milli operatoru, habelə mövcud nağdsız ödəmə vasitələri
ilə həyata keçiriləcək.
"Bələdiyyələrin statusu
haqqında" qanun layihəsinə dəyişiklik
barədə məlumat
verən A.Rəhimzadənin
sözlərinə görə,
təklif edilən dəyişikliyə əsasən,
bundan sonra bələdiyyələr tərəfindən
hüquqi və fiziki şəxslərin müraciəti əsasında
5 gündən gec olmayaraq onların yerli vergilər və ödənişlər
üzrə borcları
barədə arayış
veriləcək.
Daha sonra 3-cü məsələ
- "Büdcə sistemi
haqqında" qanuna dəyişiklik barədə
danışan komitə
sədri qeyd etdi ki, həmin
sənədin 32.2.2-ci maddəsinə
yeni məzmunda hissənin əlavə olunması təklif edilir: "Bugünə kimi büdcə barədə çox danışmışıq. Yəni indiyə
kimi "Büdcə sistemi haqqında" qanunun müvafiq maddəsində dotasiyalar və subvensiyalarla bağlı normalar yox idi. Bu, sadəcə, ümumi
sözlərlə əksini
tapmışdı. İndi isə
32-ci maddədə dotasiyalar
və subvensiyalarla bağlı normalar ayrıca abzasla qeyd olunur ki,
bunun özü də çox mütərəqqi addımdır.
Bundan sonra daha dəqiq
bilinəcək ki, bələdiyyələrə konkret
nə qədər dotasiya ayrılıb və onların istifadəsi nə yerdədir".
Sonra iclasda
"Azərbaycan Respublikasının
Vergi Məcəlləsində
dəyişikliklər edilməsi
haqqında" qanun layihəsi də qəbul edildi və hər 4 qanun layihəsi parlamentin plenar iclasına tövsiyə olundu.
Elgün MƏNSİMOV,
Məmməd
AĞAYEV
Azərbaycan.-
2014.- 20 may.- S.6.