Tolerantlıq və multikulturalizm məsələlərinə həsr olunmuş “dəyirmi masa” səmimi dialoq şəraitində keçmişdir

Azərbaycan Respublikasının millətlərarası münasibətlər, multikulturalizm və dini məsələlər üzrə dövlət müşavirliyi Gəncədə “Tolerantlıq və multikulturalizm” mövzusunda “dəyirmi masa” keçirmişdir.

AzərTAc xəbər verir ki, “Dəyirmi masa”nı giriş sözü ilə millətlərarası, multikulturalizm və dini məsələlər üzrə Dövlət müşaviri Kamal Abdulla açaraq ölkəmizdə tolerantlıq istiqamətində görülən işlərdən və əldə olunan uğurlardan danışmışdır.

Səmimi dialoq şəraitində keçən görüşdə tolerantlığın daha da gücləndirilməsi və təkmilləşdirilməsi ilə bağlı maraqlı fikirlər səsləndirilmişdir.

Dövlət müşaviri və “dəyirmi masa” iştirakçıları tədbirdən sonra Şah Abbas cümə məscidində, İmamzadə ziyarətgahında və şəhərdəki rus pravoslav kilsəsində olmuş, din xadimləri ilə söhbətlər aparmışlar.

Azərbaycan.- 2014.- 23 may.- S.5.