Rabitə və yüksək texnologiyalar naziri

Əli Abbasov Siyəzəndə vətəndaşları qəbul etmişdir

Rabitə və yüksək texnologiyalar naziri Əli Abbasov Siyəzəndə bu rayondan, eləcə də Şabran və Xızı rayonlarından olan vətəndaşları qəbul etmişdir.

Vətəndaşların müraciət və təklifləri əsasən əhaliyə göstərilən telekommunikasiya, internet, poçt, rabitə, televiziya yayımı xidmətlərinin keyfiyyəti, xidmət mədəniyyəti, işlə təminat və digər məsələlərlə bağlı olmuşdur. Müraciətlərin bir qismi yerindəcə həllini tapmışdır.

Nazirliyin idarə rəislərinin, struktur rəhbərlərinin də iştirak etdikləri qəbulda nazir Əli Abbasov vətəndaşların təklifləri və qaldırdıqları məsələlərlə bağlı müvafiq göstərişlər vermişdir. Nazirliyin səlahiyyətlərinə aid olmayan məsələlər isə aidiyyəti orqanlara çatdırılmaq üçün qeydiyyata alınmış və nəzarətə götürülmüşdür.

Azərbaycan.-2014.- 25 may.- S.3.