Təhsil naziri Salyan şəhərində vətəndaşları
qəbul etmişdir
Azərbaycan
Respublikasının Prezidenti İlham Əliyevin
tapşırıq və tövsiyəsinə əsasən mərkəzi
icra hakimiyyəti orqanlarının rəhbərləri
bölgələrdə vətəndaşların qəbulunu
keçirir, onların müxtəlif məsələlərlə
bağlı müraciətlərinin, ərizə və
şikayətlərinin müsbət həll olunması
üçün müvafiq tədbirlər görürlər.
AzərTAc
xəbər verir ki, mayın 26-da təhsil naziri Mikayıl
Cabbarov bölgələrdə vətəndaşların qəbulu
cədvəlinə uyğun olaraq Salyan şəhərində
Neftçala, Hacıqabul, Salyan, Kürdəmir və Biləsuvar
rayonlarından olan vətəndaşları qəbul
etmişdir.
Qəbulda
magistratura, xaricdə təhsil, təyinat, məktəblərin
təmiri ilə əlaqədar müraciətlər
edilmişdir. İş yerlərinin dəyişdirilməsi, tələbələrin
bir ali təhsil ocağından digərinə
köçürülməsi, ucqar kənd məktəblərində
kadr çatışmazlığı, təhsildə yeniliklərin
tətbiqinə dair təkliflər də qəbul zamanı
qaldırılan məsələlər sırasında
olmuşdur.
Nazirliyin
struktur rəhbərlərinin, təhsil şöbələri
müdirlərinin də iştirak etdikləri görüş
gün ərzində davam etmişdir.
Qəbulda
qaldırılan məsələlərin bir qismi yerindəcə
həll olunmuş, təkliflərlə bağlı müvafiq
struktur rəhbərlərinə tapşırıqlar
verilmişdir.
Nazirliyin səlahiyyətinə
aid olmayan məsələlər
isə aidiyyəti orqanlara
çatdırılmaq üçün qeydiyyata alınaraq nəzarətə götürülmüşdür.
Azərbaycan.-2014.- 27 may.- S.3.