Əmək və əhalinin sosial müdafiəsi naziri

Salyan şəhərində vətəndaşları qəbul etmişdir

Prezident İlham Əliyevin tapşırıq və tövsiyəsinə əsasən, mərkəzi icra hakimiyyəti orqanların rəhbərləri bölgələrdə vətəndaşların qəbulunu keçirir, onların müxtəlif məsələlərlə bağlı müraciətlərinin, ərizə və şikayətlərinin müsbət həll olunması üçün müvafiq tədbirlər görürlər.

AzərTAc xəbər verir ki, əmək və əhalinin sosial müdafiəsi naziri Səlim Müslümov mayın 29-da Salyan şəhərində Neftçala, Salyan, Biləsuvar və Cəbrayıl rayonlarından olan vətəndaşları qəbul etmişdir.

Qəbula gələn vətəndaşların müraciətləri əsasən ünvanlı dövlət sosial yardımının təyinatı, əlillik dərəcələrinin verilməsi, mənzil, maşın və reabilitasiya vasitələri ilə təmin olunmaq, məşğulluğun təminatı ilə bağlı olmuşdur.

Gün ərzində aparılan səyyar qəbul zamanı nazir Səlim Müslümov müraciətlərdə qaldırılan məsələlərin qısa vaxt ərzində araşdırılaraq ədalətli, obyektiv şəkildə və qanun çərçivəsində həll edilməsi barədə müvafiq struktur bölmələrinin rəhbərlərinə tapşırıqlar vermişdir.

Qəbul zamanı qaldırılan məsələlərin bir çoxu yerindəcə həllini tapmış, nazirliyin səlahiyyətlərinə aid olmayan məsələlərlə bağlı müraciətlər isə qeydiyyata alınaraq müvafiq qurumlara çatdırılmaq üçün nəzarətə götürülmüşdür.

Azərbaycan.-2014.- 30 may.- S.13.