Fövqəladə hallar
naziri Lerikdə vətəndaşları
qəbul etmişdir
Fövqəladə
hallar naziri, general-polkovnik Kəmaləddin Heydərov mayın
30-da Lerik rayon mədəniyyət evində bölgə vətəndaşlarını
qəbul etmişdir.
AzərTAc
xəbər verir ki, qəbulda Astara, Lənkəran, Lerik,
Masallı, Yardımlı və Cəlilabad rayonlarının
sakinləri ilə yanaşı, həmin rayonlarda müvəqqəti
məskunlaşmış məcburi köçkünlər də
iştirak etmişlər. Nazirliyin müvafiq struktur rəhbərlərinin,
rayonların fövqəladə hallar komissiyaları sədrlərinin
iştirakı ilə keçirilən qəbul zamanı edilən
müraciətlərin əksəriyyəti işə qəbul,
qəzalı vəziyyətdəki evlərin təmiri və
digər məsələlərlə bağlı olmuşdur.
Hər
bir müraciətə diqqətlə yanaşan nazir Kəmaləddin
Heydərov vətəndaşların qaldırdıqları məsələlərin
qanunauyğun və operativ şəkildə həll edilməsi
üçün əlaqədar qurumların rəhbərlərinə
müvafiq göstərişlər vermişdir.
Gün
ərzində nazir, nazir müavinləri və struktur rəhbərləri
tərəfindən 357 vətəndaşın müraciəti
dinlənilmiş, onların bir qismi yerindəcə öz həllini
tapmışdır.
Nazir
Kəmaləddin Heydərov vətəndaşların
bütün müraciətlərinin obyektiv
araşdırılması, qaldırılan məsələlərin
qanunvericiliyə uyğun və dərhal həll olunması barədə
müvafiq strukturların rəhbərlərinə tapşırıqlar
vermişdir.
Azərbaycan.-2014.- 31 may.- S.3.