Kənd təsərrüfatı işçiləri peşə bayramlarını qeyd ediblər

Azərbaycan Respublikasının Prezidenti İlham Əliyevin 2008-ci il 9 oktyabr tarixli Sərəncamına əsasən, noyabrın 1-i ölkəmizdə Kənd Təsərrüfatı İşçiləri Günüdür.

Bu münasibətlə Kənd Təsərrüfatı Nazirliyi noyabrın 1-də tədbir keçirib.

Kənd təsərrüfatı naziri Heydər Əsədov aqrar sahədə çalışanları peşə bayramları münasibətilə təbrik edib, onlara gələcək işlərində uğurlar arzulayıb.

Nazir ulu öndər Heydər Əliyevin aqrar sahədə başladığı islahatların uğurla həyata keçirilməsindən, Prezident İlham Əliyevin kənd təsərrüfatı məhsulları istehsalçılarına qayğısından, bu sahənin inkişafından və qarşıda duran vəzifələrdən danışıb.

Digər çıxış edənlər də aqrar sahədə aparılan islahatlardan, görülən işlərdən, dövlət tərəfindən bu sahəyə göstərilən diqqət və qayğıdan söhbət açıb, peşə bayramları münasibətilə kənd təsərrüfatı işçilərini təbrik ediblər.

Azərbaycan. - 2014.- 2 noyabr.- S.4.