Kəmaləddin Heydərov: Dənizin kənarında
torpaq və su
sahələrinin təmizlənib
istifadəyə verilməsi
mühüm vəzifələrdən
biridir
Dənizin
kənarında torpaq və su sahələrinin təmizlənib
əhalinin istifadəsinə verilməsi qarşımızda
duran mühüm vəzifələrdən biridir. Dövlətimizin
başçısı İlham Əliyev bunu
qarşımıza vacib bir məsələ kimi qoyub.
AzərTAc
xəbər verir ki, bu sözləri Azərbaycan Respublikasının
fövqəladə hallar naziri, general-polkovnik Kəmaləddin
Heydərov Qəbələdə jurnalistlərə müsahibəsində
deyib. Nazir bildirib ki, Azərbaycan iqtisadiyyatı sürətlə
inkişaf edir. Belə sürətli inkişaf olan ölkələrdə
xüsusən təhlükəsizlik məsələlərinin
təminatı mühüm yer tutur. Bu istiqamətdə ölkəmizdə
iri layihələr həyata keçirilir. Bu yaxınlarda
Bakıda yeni dəniz limanı, gəmiqayırma zavodu
açılıb.
Neftayırma
zavodlarının fəaliyyəti nəticəsində
çirklənmiş torpaqların təmizlənməsinin
vacibliyini vurğulayan nazir Kəmaləddin Heydərov deyib:
“Biz 2010-cu ildə Niderland Krallığında olduq, iş təcrübəsini
öyrəndik və onları ölkəmizə dəvət
etdik. O vaxtdan bu günədək Niderlandın bir çox
qurum və şirkəti, o cümlədən İnfrastruktur və
Ətraf Mühit Nazirliyi ilə sıx əməkdaşlığımız
var. Bu gün imzaladığımız sənəd də
işlərimizin davamını əks etdirir. Biz Abşeron
yarımadasındakı çirklənmiş torpaqların təmizlənməsi
işlərini davam etdirəcəyik. Bununla bağlı layihələrin
üzərində gərgin işlər gedir. Bu layihələr
demək olar ki, hazırdır və yaxın vaxtlarda
onların icrasına başlanılacaq”.
Nazir
Kəmaləddin Heydərov Niderlandın müxtəlif ölkələrdə
bir sıra layihələrin reallaşdırılmasına cəlb
olunan tanınmış şirkətlərinin Azərbaycanda
da fəaliyyət göstərdiyini qeyd edərək deyib:
“Kür çayında sahilbərkitmə və təmizləmə
işləri aparılır. Niderland şirkətlərindən
aldığımız gəmilərin fəaliyyəti nəticəsində
həmin ərazilərin çox hissəsi təhlükədən
xilas olunub”.
Azərbaycan.-2014.- 7 noyabr.- S.5.