“YARAT” Müasir İncəsənət Təşkilatı
“Behance” ilə birgə Bakıda
yaradıcı insanların Portfoliolarına Baxış Günü keçirib
Bakıda “YARAT” Müasir İncəsənət
Təşkilatı yaradıcı işlərin onlayn
nümayiş etdirilməsi və axtarışı üzrə
qabaqcıl internet platforması “Behance” ilə birgə
yaradıcı şəxslərin Portfoliolarına
Baxış Günü keçirib.
“Behance” – internet saytları və onlayn xidmətlər şəbəkəsidir, yaradıcı şəxslərin özlərini tanıtdırmaq ehtiyacları sahəsində ixtisaslaşır, o cümlədən məsləhətçi köməyi və onlayn portfolio saytlarını idarə edir. “Behance” yaradıcı şəxslərə fəaliyyətləri barədə internet məlumatlarını vahid məkanda yeniləməyə, bununla da dünya miqyasında daha səmərəli yaymağa imkan verir.
“Behance” əsərlərin müxtəlif onlayn qalereyalarda təqdiminə, əsərin internetdə daha çox baxılmasına kömək göstərməklə, milyonlarla ziyarətçinin diqqətini incəsənətə cəlb etməklə yaradıcı istedadlar qarşısında açılan imkanları genişləndirir.
“Behance”də qeydiyyatdan keçən istifadəçilər yeni əsəri necə yaratdıqlarını əvvəldən axıra kimi bu platformada nümayiş etdirə bilir, onlayn etimad xalları toplayır, karyera imkanlarını öyrənir, həmkarları və rəhbər-təşkilatçılarla əlaqə qururlar.
“Behance” ildə iki dəfə
Portfoliolara Baxış
Həftəsi (PRW – Portfolio Review Week) keçirir. Yaradıcılıqla məşğul olan adamların bir yerə toplaşması
üçün könüllülər
tərəfindən hazırlanan
bu tədbirlər silsiləsi artıq dünyanın yüzlərcə
şəhərində təşkil
olunur.
2012-ci ildə
təşkil olunan birinci Portfoliolara Baxış Həftəsindən
sonra, dünyanın səksən ölkəsində
yerli icma rəhbərləri tərəfindən
1000-dən artıq belə
tədbir keçirilib.
“YARAT” Müasir İncəsənət Təşkilatı
təsis olunduğu vaxtdan etibarən belə təşəbbüsləri
dəstəkləyib və
Portfoliolara Baxış
Günü keçirmək
məqsədilə bu
il “Behance”
ilə tərəfdaşlıq
münasibətləri qurub.
Tədbir zamanı Azərbaycandan Liza Həsənova,
Ramil Əliyev, Cavid Quliyev, Məcid Əliyev, Samir Salahov, Sübhan Manafzadə, Urfan Məmmədov, Kənan Nəsibov, Aygün Həsənova, Emin Əzizbəyli və Çingiz İsmayılov yaradıcı
portfolioları təqdim
ediblər.
Xose Vinsent (memar), Mirazər Abdullayev (“AA&M advertising”in yaradıcı direktoru),
İlqar Tahiri (dizayner) və Ceyhun İmanovdan (“Jeykhun Imanov Studio” reklam agentliyinin təsisçisi)
ibarət münsiflər heyəti portfoliolara
baxışın qaliblərini müəyyənləşdirərək
təltif edib.
Azərbaycan.
- 2014.- 12 noyabr.- S.10.