İrina Popova: Bakı Beynəlxalq Humanitar Forumu dünya

elminin inkişafına böyük töhfə verəcək

Bir gün əvvəl Bakıda IV Beynəlxalq Humanitar Forum işə başlayıb. Bu, son dərəcə möhtəşəm tədbirdə iştirak etdiyimə görə çox şadam. Dünya birliyinin siyasi, elmi və mədəni elitasının görkəmli nümayəndələrinin, o cümlədən tanınmış dövlət xadimlərinin, Nobel mükafatı laureatlarının və beynəlxalq təşkilatların rəhbərlərinin iştirak etdikləri Forum müxtəlif məsələlərə dair dialoq, fikir mübadiləsi və müzakirələr aparmağa imkan yaradır.

AzərTAc xəbər verir ki, bu sözləri Rusiya Elmlər Akademiyasının Şərqşünaslıq İnstitutunun Sankt-Peterburq filialının direktoru İrina Popova AMEA-nın Mərkəzi Kitabxana – İnformasiya Resursları Mərkəzində keçirilən “Qloballaşmanın çağırışları: ənənə və transformasiya arasında” mövzusunda “dəyirmi masa” zamanı jurnalistlərə müsahibəsində səsləndirib. O bildirib ki, Bakı Beynəlxalq Humanitar Forumu dünya elminin inkişafına böyük töhfə verir.

Birinci seksiyada məruzələrin mövzularından məmnun qaldığını bildirən rusiyalı alim vurğulayıb ki, “dəyirmi masa”da müzakirə olunan məsələlər müasir dünyada çox aktualdır.

Azərbaycan.-2014.-4 oktyabr.-S.8.