Arye Gut:
Prezident İlham
Əliyevin qayğısı, naxçıvanlıların isə
Vətən sevgisi və
işgüzarlığı dahilər yurdunun
yüksəlişində əsaslı rol
oynayıb
Dinamik sürətlə inkişaf edən Naxçıvan Muxtar Respublikasında abadlıq və quruculuq işləri bütün sahələri əhatə edib və bu gün əldə olunan nəticələr qədim diyara gələn hər kəsi təəccübləndirir. Düşünürəm ki, Azərbaycan Prezidenti İlham Əliyevin diqqət və qayğısı, naxçıvanlıların isə Vətən sevgisi, zəhmətkeşliyi, fədakarlığı, işgüzarlığı dahilər yurdunun yüksəlişində əsaslı rol oynayıb.
Bu sözləri IV Bakı Beynəlxalq Humanitar Forumunun bir qrup iştirakçısı arasında Naxçıvanda səfərdə olmuş “İsrail-Azərbaycan” (Azİz) Beynəlxalq Assosiasiyası İdarə Heyətinin üzvü Arye Gut AzərTAc-a müsahibəsində deyib.
A.Gut əlavə edib ki, muxtar respublika bu gün əsl intibah dövrünü yaşayır. Biz IV Bakı Humanitar Forumunun iştirakçıları da Naxçıvanda yüksək səviyyədə qurulan infrastrukturu, turizm potensialını, enerji və ərzaq təhlükəsizliyinin təmin edildiyini öz gözlərimizlə gördük. Eyni zamanda, onu da gördük ki, illərdən bəri Ermənistan tərəfindən blokadada saxlanılan Naxçıvanda bu problemin yaratdığı bütün çətinliklərə baxmayaraq, çox böyük və əhəmiyyətli layihələr reallaşdırılıb, muxtar respublika beynəlxalq tədbirlərin keçirildiyi bir məkana çevrilib.
“Mənim atam,
tanınmış Azərbaycan kinorejissoru
Əhməd Abdullayev 1974-cü ildə
Naxçıvan Muxtar Respublikasının
50 illiyində Naxçıvan haqqında sənədli film çəkmişdi. O vaxt sovet Azərbaycanı
dövründə bu,
Naxçıvanın təbliği baxımından
atılmış müsbət və önəmli
addımlardan biri idi”,
– deyən Arye Gut əlavə
etdi ki,
Naxçıvana gəlmək və bu qədim
diyarı görmək mənim uşaqlıq arzum
olub. IV Bakı Beynəlxalq Humanitar Forumu çərçivəsində
baş tutan səfər
bu baxımdan məni çox
sevindirib. Yaşıllıqlarla əhatə
olunmuş Naxçıvan şəhərinin
müasir dövrün
tələblərinə uyğun qurulmuş küçələri, binaları
isə hər kəs kimi məni də valeh etdi.
Azərbaycan.
- 2014.- 12 oktyabr.- S. 3.