Türkiyə hökuməti işğal altındakı Azərbaycan torpaqlarının azad olunması üçün səylərini davam etdirəcək

Baş nazir Əhməd Davudoğlu Türkiyə Böyük Millət Məclisində yeni hökumətin fəaliyyət proqramı ilə bağlı çıxış edib.

Baş nazir hökumətin xarici siyasət proqramında bir sıra məsələlərlə yanaşı, Ermənistan-Azərbaycan, Dağlıq Qarabağ münaqişəsi ilə bağlı məsələnin də əksini tapdığını bildirib. Ermənistan silahlı qüvvələri tərəfindən işğal altında saxlanılan Dağlıq Qarabağ regionu və ona bitişik rayonların azad edilməsi və Ermənistan ilə Azərbaycan arasında sülhün yaranması istiqamətində səylərin göstərilməsi AKP hökumətinin xarici siyasətində əsas istiqamət kimi göstərilib.

Sabir Şahtaxtı

AzərTAc-ın xüsusi müxbiri

İstanbul

Azərbaycan. - 2014.- 3 sentyabr.- S.2.