Praqa Karls Universitetinin rektoru Bakı
Ali Neft Məktəbində
olmuşdur
Yanvarın 10-da Çex Respublikasının Praqa Karls Universitetinin rektoru, professor Vatslav Hampl Bakı Ali Neft Məktəbində (BANM) olmuşdur. Məktəbin mətbuat xidmətindən bildirmişlər ki, rektor Elmar Qasımov iki illik fəaliyyəti ərzində məktəbin Tələbə Qəbulu üzrə Dövlət Komissiyasının tərtib etdiyi reytinq cədvəlində lider olduğunu vurğulamışdır. Qeyd olunmuşdur ki, BANM-də mütəxəssis hazırlığı Böyük Britaniyanın Heriot-Vatt Universitetinin proqramları əsasında həyata keçirilir.
Rektor BANM-in Karls Universiteti və Çex Respublikasının digər universitetləri ilə əməkdaşlıq əlaqələrinin yaradılmasında maraqlı olduğunu bildirmişdir.
Məktəbə dəvət olunduğuna görə minnətdarlığını bildirən professor Vatslav Hampl müasir tipli ali məktəbin yaradılmasının təqdirəlayiq olduğunu vurğulamış, rəhbərlik etdiyi universitetlə kimya, geologiya və geofizika sahələrində əməkdaşlığın mümkünlüyünü bildirmişdir. O, həmçinin BANM-in Çexiyanın digər mühəndis hazırlayan universitetləri ilə də əlaqələrinin qurulmasında yardım göstərməyə hazır olduğunu da nəzərə çatdırmışdır.
Görüşün
sonunda qonağa Bakı Ali Neft Məktəbinin "Fəxri
qonaq diplomu" təqdim edilmişdir.
AzərTAc
Azərbaycan.-2014.- 11 yanvar.- S.5.