Dövlət Sosial Müdafiə Fondunun sədri Qubada şimal

bölgəsindən olan vətəndaşları qəbul etmişdir

Dövlət Sosial Müdafiə Fondunun (DSMF) sədri Elman Mehdiyev fondun Quba rayon şöbəsinin inzibati binasında bu rayonun, eləcə də Qusar, Xaçmaz, Şabran və Siyəzən rayonlarının sakinləri olan məcburi dövlət sosial sığorta ödəyiciləri və pensiyaçıları üçün qəbul keçirmişdir.

AzərTAc xəbər verir ki, "Açıq qapı" formatında keçirilmiş qəbula gələn vətəndaşların müraciətləri əsasən pensiyaların yenidən hesablanmasının hüquqi aspektləri, əmək stajının hesablanması kimi məsələləri əhatə etmişdir. Müraciətlərin bir qismi isə pensiya növünün dəyişdirilməsi, güzəştli şərtlərlə yaşa görə pensiya təyinatı, fərdi şəxsi hesablarda qeydə alınan pensiya kapitalları, sosial sığorta və digər məsələlərlə bağlı olmuşdur.

Bütün müraciətlər operativ qaydada araşdırılmış və onların bir qismi yerindəcə həll edilmişdir. Bir sıra müraciətlərlə bağlı müvafiq şəhər və rayon şöbələrinin rəhbərlərinə, fondun digər vəzifəli şəxslərinə tapşırıqlar verilmişdir. DSMF-nin səlahiyyətlərinə aid olmayan müraciətlər isə müvafiq təşkilatlara çatdırılması üçün qeydə alınmışdır.

Azərbaycan.-2014.- 23 yanvar.- S.4.