Ədliyyə naziri Qəbələdə
vətəndaşları qəbul etmişdir
Azərbaycan Respublikasının Prezidenti İlham Əliyevin tapşırığına uyğun olaraq yanvarın 24-də ədliyyə naziri Fikrət Məmmədov Qəbələ Mədəniyyət Mərkəzində Oğuz, İsmayıllı, Qəbələ və digər rayonlarda yaşayan vətəndaşların qəbulunu keçirmişdir.
Ədliyyə
Nazirliyinin mətbuat xidmətindən bildirmişlər ki, vətəndaşların
rahatlığının təmin edilməsi məqsədilə
nazirin qəbuluna yazılış qabaqcadan
başlanılmış, nazirliyin elektron xidmətlər
portalında birbaşa yazılmaq imkanı
yaradılmışdır.
Gün ərzində aparılmış qəbul zamanı ədliyyə və məhkəmə fəaliyyəti, habelə digər müxtəlif məsələlərlə bağlı hər bir vətəndaş diqqətlə dinlənilmiş, müraciətlərdə qaldırılan məsələlərin bir qismi elə yerindəcə öz həllini tapmışdır. Qəbulda iştirak edən nazirliyin aidiyyəti məsul işçilərinə digər müraciətlər üzrə müvafiq tapşırıqlar verilmişdir.
Eyni
zamanda, ədliyyə və məhkəmə fəaliyyətinə
aid olmayan digər məsələlərlə bağlı
müraciətlərə də baxılmış, onların
araşdırılması üçün aidiyyəti üzrə
göndərilməsi təmin edilmişdir.
AzərTAc
Azərbaycan.-2014.- 25 yanvar.- S.2.