Serbiyanın Baş naziri Aleksandr Vuçiç Azərbaycana rəsmi səfərə gəlib

Serbiya Respublikasının Baş naziri Aleksandr Vuçiç aprelin 13-də Azərbaycan Respublikasına rəsmi səfərə gəlib.

Hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda hörmətli qonağın şərəfinə fəxri qarovul dəstəsi düzülmüşdü.

Serbiyanın Baş naziri Aleksandr Vuçiçi hava limanında Azərbaycanın Baş nazirinin müavini Əli Əhmədov və digər rəsmi şəxslər qarşıladılar.

Serbiyanın və Azərbaycanın dövlət himnləri səsləndirildi.

Azərbaycan.-2015.- 14 aprel.- S. 1.