Azərbaycan Respublikası Mərkəzi Seçki Komissiyası Katibliyinin strukturunun və ştat vahidlərinin yenidən təsdiq edilməsi barədə Mərkəzi Seçki Komissiyasının Qərarı

Qərar № 8/76

“Siyasi partiyalar haqqında” Azərbaycan Respublikasının Qanununda dəyişikliklər edilməsi barədə Azərbaycan Respublikasının 2014-cü il 30 sentyabr tarixli Qanununun 1-ci, 5.2-ci, 5.3-cü maddələrinə və digər müvafiq hüquqi aktlara əsasən siyasi partiyaların illik maliyyə hesabatlarının Azərbaycan Respublikası Mərkəzi Seçki Komissiyasına təqdim edilməsi və onun tərəfindən araşdırılaraq ictimailəşdirilməsi müəyyən edilmişdir. Bu isə siyasi partiyalarla bu istiqamətdə yeni hüquq münasibətlərinin əmələ gəlməsinə səbəb olmuş, aidiyyəti sənədlərlə işin qanunvericiliyin yeni tələblərinə uyğun qurulmasına zəmin yaratmış, həmin fəaliyyətin daha peşəkar və səmərəli həyata keçirilməsində birbaşa iştirak etməli olan Mərkəzi Seçki Komissiyası Katibliyinin mövcud strukturunun təkmilləşdirilərək yenidən təsdiq edilməsi zərurəti yaratmışdır.

Azərbaycan Respublikasının Mərkəzi Seçki Komissiyası yuxarıda qeyd edilənləri əsas götürərək, Azərbaycan Respublikası Seçki Məcəlləsinin 19.4-cü, 19.14-cü, 28.2-ci, 28.4-cü və 28.5-ci maddələrini və “Siyasi partiyalar haqqında” Azərbaycan Respublikasının Qanununda dəyişikliklər edilməsi barədə Azərbaycan Respublikasının 2014-cü il 30 sentyabr tarixli Qanununun 1-ci, 5.2-ci və 5.3-cü maddələrini rəhbər tutaraq qərara alır:

1. Azərbaycan Respublikası Mərkəzi Seçki Komissiyası Katibliyinin strukturu və ştat vahidləri yenidən təsdiq edilsin (cədvəl əlavə edilir).

2. Qərar dərc edildiyi gündən qüvvəyə minir.

Sədr Məzahir Pənahov

Katib Arifə Muxtarova

Katib Mikayıl Rəhimov

Azərbaycan Respublikası Mərkəzi Seçki Komissiyası

Katibliyinin strukturu

Struktur bölməsinin adı

MSK katibliyinin müdiri

MSK katibliyi rəhbərinin müavini

MSK katibliyi müdirinin köməkçisi

Təşkilat şöbəsi

Hüquq şöbəsi

Beynəlxalq əlaqələr şöbəsi

Treninq sektoru

İnformasiya mərkəzi (şöbə hüququnda)

İnformasiya sistemlərinin avtomatlaşdırılması sektoru

Texniki və sistem təminatı sektoru

İnformasiya şəbəkəsinə nəzarət və koordinasiya sektoru

Ümumi şöbə

Kargüzarlıq sektoru

Siyasi partiyaların sənədləri ilə iş sektoru

Monitorinq şöbəsi

Media və ictimai əlaqələr şöbəsi

Redaksiya və nəşr şöbəsi

Maliyyə şöbəsi

Siyasi partiyaların maliyyə hesabatları üzrə iş sektoru

Təsərrüfat şöbəsi

Ştat vahidlərinin sayı - 129

Katibliyin rəhbərliyi - 3

Şöbə müdiri - 10

Sektor müdiri - 7

Baş məsləhətçi - 32

Böyük məsləhətçi - 18

Aparıcı məsləhətçi - 4

Məsləhətçi - 17

Baş mütəxəssis - 27

( o cümlədən sürücü -14)

Böyük mütəxəssis - 2

Xadimə - 9

07.04.2015

Azərbaycan. - 2015.- 8 aprel.- S.6.