Niyazinin mənzil-muzeyində xatirə günü

Azərbaycan Musiqi Mədəniyyəti Dövlət Muzeyinin filialı olan Niyazinin mənzil-muzeyində SSRİ xalq artisti, görkəmli dirijor və bəstəkar, Dövlət mükafatı laureatı Niyazinin anadan olmasının 103-cü ildönümünə həsr olunmuş tədbir keçirilmişdir. Əvvəlcə sənətkarın həyat və yaradıcılığını əks etdirən videoçarx nümayiş etdirilmişdir. Sonra Musiqi Mədəniyyəti Dövlət Muzeyinin direktoru, sənətşünaslıq üzrə fəlsəfə doktoru, əməkdar mədəniyyət işçisi Alla Bayramova Azərbaycan dirijorluq məktəbinin formalaşması və inkişafında maestronun əvəzsiz xidmətlərindən danışmışdır.

Tədbir konsert proqramı ilə sona çatmışdır.

Azərbaycan.- 2015.- 22 avqust.- S. 6.