Yeni Azərbaycan Partiyasının gəncləri həlak olmuş neftçilərin xatirəsini yad ediblər

Yeni Azərbaycan Partiyası Gənclər Birliyinin (YAP GB) üzvləri “Günəşli” yatağındakı 10 saylı özüldə baş vermiş qəza nəticəsində həlak olan neftçilərin xatirəsini yad etmək üçün yürüş keçiriblər.

YAP GB-dən AZƏRTAC-a bildiriblər ki, Sahil bağından başlayan yürüşün iştirakçıları Dənizkənarı Milli Parka gələrək həlak olan neftçilərin xatirəsini ehtiramla yad edib, dənizin sahilinə gül dəstələri qoyub, ölənlərin ruhuna dualar oxuyublar.

Sonra gənclər #PRAYFORAZERBAIJAN” həştəqi üçün fləşmob keçiriblər.

Azərbaycan. - 2015.- 9 dekabr.- S.4.