Azərbaycan ilə Koreya Respublikası arasında hərbi-texniki sahədə əməkdaşlığa dair müzakirələr aparılıb

Dekabrın 10-da müdafiə sənayesi naziri Yavər Camalov Koreya Respublikasının Azərbaycanda yeni təyin olunmuş səfiri Kim Çanq-gyu ilə görüşüb.

Müdafiə Sənayesi Nazirliyinin mətbuat xidmətindən AZƏRTAC-a bildiriblər ki, görüşdə səfiri Azərbaycanda diplomatik fəaliyyətə başlaması münasibətilə təbrik edən Yavər Camalov ona iki ölkə arasında əməkdaşlığın genişləndirilməsi işində uğurlar arzulayıb.

Söhbət zamanı hərbi-texniki əməkdaşlıq üzrə qarşılıqlı maraq doğuran məsələlər ətrafında fikir mübadiləsi aparılıb.

Səfir Kim Çanq-gyu səmimi görüş üçün minnətdarlığını bildirib.

AZƏRTAC

Azərbaycan.- 2015.- 11 dekabr.- S. 8.