Azərbaycan Respublikasının Nazirlər Kabinetinin qərarı

№ 236 Bakı şəhəri, 23 iyun 2015-ci il

Azərbaycan Respublikası Nazirlər Kabinetinin 2001-ci il 6 mart tarixli 58 nömrəli qərarı ilə təsdiq edilmiş “Tibbi sığorta müqaviləsinin forması və bağlanma Qaydası”nda dəyişikliklər edilməsi barədə

“Tibbi sığorta haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının 2015-ci il 24 fevral tarixli 1211-IVQD nömrəli Qanununun tətbiqi haqqında” Azərbaycan Respublikası Prezidentinin 2015-ci il 3 aprel tarixli 1145 nömrəli Sərəncamının 1.2-ci bəndinin icrasını təmin etmək məqsədi ilə Azərbaycan Respublikasının Nazirlər Kabineti qərara alır:

Azərbaycan Respublikası Nazirlər Kabinetinin 2001-ci il 6 mart tarixli 58 nömrəli qərarı (Azərbaycan Respublikasının Qanunvericilik Toplusu, 2001, № 3, maddə 213; 2008, № 2, maddə 108, № 6, maddə 581) ilə təsdiq edilmiş “Tibbi sığorta müqaviləsinin forması və bağlanma Qaydası”nda aşağıdakı dəyişikliklər edilsin:

1. 5-ci hissənin birinci abzasına aşağıdakı məzmunda ikinci cümlə əlavə edilsin:

“Tibbi sığorta təşkilatı icbari tibbi sığorta üzrə müvafiq riskləri sığorta etdirmək üçün müraciət edən və sığorta marağı olan sığortalıyla icbari tibbi sığorta müqaviləsi bağlamaqdan imtina edə bilməz.”.

2. 6-cı hissəyə “sığortalıyla” sözündən sonra “könüllü tibbi” sözləri əlavə edilsin.

Artur RASİ-ZADƏ,

Azərbaycan Respublikasının Baş naziri

Azərbaycan.- 2015.- 5 iyul.- S. 1.