Azərbaycanın müdafiə naziri Latviyada bir neçə hərbi obyektdə olub

Latviya Respublikasına rəsmi səfəri çərçivəsində Azərbaycanın müdafiə naziri, general-polkovnik Zakir Həsənov bu ölkənin “Adaji” hərbi bazası, birgə hücumun idarə edilməsi terminalı, partlayıcı maddələrin zərərsizləşdirilməsi məktəbi, tibb mərkəzi və “SWATH” patrul gəmisi ilə tanış olub.

Müdafiə Nazirliyinin mətbuat xidmətindən AZƏRTAC-a bildiriblər ki, tanışlıq zamanı Azərbaycanın müdafiə nazirini Latviya Respublikası Silahlı Qüvvələrinin Baş Qərargah rəisi, general-leytenant Raymonds Qraube müşayiət edib.

Səfər iyulun 4-də başa çatacaq.

Azərbaycan.- 2015.- 5 iyul.- S. 2.