17 gün, 18 arena, 20 idman və 30
yarış növü, 50 ölkə,
6000-dən çox atlet,
253 dəst medal...
Suyatullanma
Bakı Su İdmanı Sarayı
160 idmançı - 80 kişi, 80 qadın
4 yarış günü
8 medal dəsti
Yarışlar keçirilir: 18-21 iyun
Suyatullanma yarışlarında 1 metrlik tramplin, 3 metrlik tramplin, sinxronlaşdırılmış 3 metrlik tramplin və platforma üzrə 8 medal dəsti uğrunda mübarizə aparılacaq. Bayraq Meydanı yaxınlığında yerləşən Bakı Su İdman Sarayı Oyunlar üçün yeni inşa olunub. Dünyanın ən gözəl idman qurğuları sırasında yer alır. 6000 tamaşaçı tutumuna malik yeni su idmanı növləri mərkəzində suyatullanma, üzgüçülük və sinxron üzgüçülük üzrə yarışlar keçiriləcək.
Üzgüçülük
Bakı Su İdmanı Sarayı
526 idmançı
5 yarış günü
42 medal dəsti
Yarış keçirilir: 23-27 iyun
Bayraq Meydanı ərazisində yeni tikilmiş, 6000 azarkeş tutumuna malik Bakı Su İdmanı Sarayı Oyunlar zamanı su idmanının 3 növü üzrə yarışlara ev sahibliyi edəcək. “Bakı-2015” I Avropa Oyunlarında üzgüçülük üzrə 526 idmançı “Rio-2016” Yay Olimpiya Oyunlarına təsnifat rolunu oynayan 42 medal dəsti uğrunda yarışacaq.
Sinxron üzgüçülük
Bakı Su İdmanı Sarayı
150 idmançı
5 yarış günü
4 medal dəsti
Yarış keçirilir: 12-16 iyun
5 günlük yarış zamanı sinxron üzgüçülük üzrə medalların sahibləri solo, duet, komanda və sərbəst kombinasiya növlərində keçiriləcək yarışlarda məlum olacaq. Bayraq Meydanı ərazisinin cənub hissəsində yerləşən, Avropa Oyunları parkı daxilində yerləşən arenada iki 50 metrlik üzgüçülük hovuzu və bir suyatullanma hovuzu mövcuddur.
Boks
“Baku
Crystal Hall”
330 idmançı
12 yarış günü
15 medal dəsti
Yarış keçirilir: 16-27 iyun
Azərbaycanda ən məşhur
idman növlərindən
biri olan boks üzrə
yarışlarda 12 gün
ərzində 15 medal dəsti
uğrunda mübarizə
aparılacaq.
Kişilərin 10, qadınların
isə 5 çəki
kateqoriyasında yarışacağı
nəzərdə tutulub.
Bu, qadınların 3-dən çox çəki kateqoriyası üzrə yarışaçağı ilk mötəbər boks turniridir. “Baku Crystal Hall” Bakı Buxtasının Xəzər
dənizinə doğru
uzandığı Bayraq
Meydanı ərazisinin
mərkəzi hissəsində
yerləşir. Möhtəşəm
məkan Oyunlar müddətində 5 idman
növü üzrə
yarışlara ev sahibliyi edəcək.
Su polosu
Su Polosu arenası
364 idmançı
10 yarış günü
2 medal dəsti
Yarış keçirilir: 12-21 iyun
360-dan çox idmançı
Avropa Oyunları parkında yerləşən,
yeni salınmış
Su Polosu arenasında qızıl medal uğrunda
mübarizə aparacaq. Bu yarışlarda
16 kişi və 12 qadın komandası iştirak edəcək. Su Polosu
arenası Avropa Oyunları parkı daxilində Bayraq Meydanı ərazisinin cənub hissəsində yerləşən, açıq
havada yaradılan müvəqqəti arenadır.
İki su polosu hovuzu
eyni vaxtda 2 yarışı təşkil
etməyə şərait
yaradacaq.
3x3 Basketbol
Basketbol
arenası
128 idmançı
4 yarış günü
2 medal dəsti
Yarış keçirilir: 23-26 iyun
Yeni 3x3 basketbol
yüksək xallar, yüksək oyun və yüksək ritm sayəsində Oyunlar zamanı ən məşhur idman növünə çevriləcək. Oyun hər biri
3 nəfərdən ibarət
2 komanda arasında yarım sahədə baş tutur və dünyanın müxtəlif yerlərində
250 milyon azarkeş tərəfindən maraqla
izlənildiyi ehtimal olunur. Basketbol arenası Bayraq
Meydanı ərazisində,
Avropa Oyunları parkında yerləşir.
Müvəqqəti arenada Avropa
Oyunlarının bu növ üzrə yarışlarını 2500 azarkeş
izləyə biləcək.
Atletika
Bakı
Olimpiya Stadionu
500 idmançı
2 yarış günü
1 medal dəsti
Yarış keçirilir: 21-22 iyun
Atletlər kəndinə yaxın
ərazidə yerləşən
möhtəşəm Bakı
Olimpiya Stadionu I Avropa Oyunlarının açılış və bağlanış
mərasimləri ilə
yanaşı, atletika üzrə iki gün keçiriləcək
yarışlara da ev sahibliyi edəcək.
Bu müddət ərzində qızıl,
gümüş və
bürünc medal uğrunda
mübarizə aparacaq
idmançıların hər
oyunda qazanacağı
xallar yekun komanda nəticəsi üçün toplanacaq.
Avropa Oyunları zamanı atletika yarışları
“Rio-2016” Yay Olimpiya Oyunları üçün
təsnifat rolunu oynayacaq.
Kamandan oxatma
Tofiq Bəhramov adına
Respublika Stadionu
128 idmançı
7 yarış günü
5 medal dəsti
Yarış keçirilir: 16-22 iyun
64 kişi və 64 qadın idmançı fərdi, komanda və eləcə də qarışıq komanda yarışlarında mübarizə aparacaqlar. Kamandan oxatma, həmçinin, “Rio-2016” Yay Olimpiya Oyunlarının təsnifat mərhələsi olaraq, reytinq xalları qazanmaq imkanı yaradacaq. Avropa Oyunlarında kamandan oxatma yarışlarını arenadan 3 min azarkeş izləyə biləcək. Şəhər ərazisinə daxil olan Tofiq Bəhramov adına Respublika Stadionu 1951-ci ildə inşa olunub. 2012-ci ildə stadionda yenidənqurma işləri aparılıb və yenidən istifadəyə verilib.
Çimərlik futbolu
Çimərlik arenası
96 idmançı
5 yarış günü
1 medal dəsti
Yarışlar keçirilir: 24-28 iyun
Çimərlik futbolu adi futbol sahəsinin təxminən dörddə bir hissəsi qədər olan qum sahəsində oynanılır. Demək olar ki, qapılara 30 saniyədən bir zərbə vurulur və hər oyunda azarkeşlərin azı 9 qol görməsi adi hal kimi dəyərləndirilir. 8 komanda 5 gün ərzində mübarizə aparacaq. Çimərlik arenası Oyunlar üçün müvəqqəti tikilmiş idman mərkəzidir və Bayraq Meydanı ərazisinə daxildir. Xəzər dənizinin sahilində açıq havada qurulan arena 2900 tamaşaçının canlı izləyə biləcəyi çimərlik futbolu yarışlarına ev sahibliyi edəcək.
Badminton
Bakı
İdman Sarayı
160 idmançı
7
yarış günü
5 medal dəsti
Yarış keçirilir: 22-28 iyun
Yarış 7 gün ərzində
davam edəcək və 5 medal dəsti
uğrunda kişilərin
və qadınların
tək, cüt və qarışıq cüt oyunları daxildir. Təxminən 160 idmançı qızıl medal uğrunda
mübarizə aparacaq.
Bakı İdman Sarayı Oyunlar zamanı stolüstü tennis və
badminton yarışlarından zövq almaq istəyən 1700 tamaşaçını
qəbul etmək imkanına malikdir.
Elçin CƏFƏROV,
Azərbaycan. - 2015.- 5 iyun.- S. 6.