Alessandro BERİ: “Galperti Group” şirkəti artıq Azərbaycan bazarında yaxşı tanınır

“Dünya brendinə çevrilmiş “Galperti Group” artıq Azərbaycan bazarında yaxşı tanınır, bizim məhsullarımıza burada böyük tələbat var. Biz hazırda yeni tərəfdaşlarımızla birlikdə yerli bazarda bir sıra mühüm layihələr üzərində çalışırıq”.

Bu sözləri XXII Beynəlxalq “Xəzər Neft və Qaz” sərgisində iştirak etmiş “Galperti Group” şirkətinin satış üzrə meneceri Alessandro Beri AZƏRTAC-a müsahibəsində söyləyib. “Şirkət sərgiyə müştərilərlə görüşlər keçirmək və ətraflı müzakirələr aparmaq, habelə Azərbaycan bazarında özünə yeni tərəfdaşlar tapmaq üçün qatılıb. Məhz bu mənada sərgi yaxşı imkanlar yaradır. Tədbir Azərbaycan bazarında mühüm rol oynayan xeyli sayda iştirakçı şirkəti bir araya toplayıb” - deyə Alessandro Beri bildirib.

Azərbaycan. - 2015.- 7 iyun.- S.12.