Milli Məclisin Sədri Türkiyənin 9-cu Prezidenti Süleyman Dəmirəlin dəfn mərasimində iştirak etmək üçün Ankaraya gəlib

Milli Məclisin sədri Oqtay Əsədov Türkiyə Respublikasının 9-cu Prezidenti Süleyman Dəmirəlin dəfn mərasimində iştirak etmək üçün iyunun 18-də Ankara şəhərinə səfər edəcək.

Milli Məclisin mətbuat xidmətindən AZƏRTAC-a bildiriblər ki, səfər çərçivəsində parlament sədrinin Türkiyə rəsmiləri və mərasimdə iştirak edən nümayəndə heyətlərinin başçıları ilə bir sıra görüşləri gözlənilir.

Tədbirlərdə Milli Məclis Aparatının rəhbəri Səfa Mirzəyev və digər rəsmi şəxslər iştirak edəcəklər.

Səfər bu gün başa çatacaq.

Sabir Şahtaxtı

AZƏRTAC-ın xüsusi müxbiri

Ankara

Azərbaycan.- 2015.- 19 iyun.- S. 2.